Gujarati News

જામનગરઃ સોનલ મંદિર ખાતે માલધારી સમાજ દ્વારા દૂધપાક બનાવીને અનોખી રીતે વિરોધ વ્‍યક્‍ત કરવામાં આવ્‍યો છે. સમગ્ર ગુજરાતમાં ઢોર નિયંત્રણ કાયદો હટાવવાની માગણી સાથે દેખાવો થઈ રહ્યા છે ત્‍યારે જામનગરમાં સવારે કેટલાક વિસ્‍તારોમાં માલધારી સમાજ સાથે સંકળાયેલા લોકોએ વિરોધ સાથે દૂધ વિતરણ વ્‍યવસ્‍થા બંધ રાખી હતી ત્‍યારે જ માલધારી સમાજના આસ્‍થાનું કેન્‍દ્ર મનાતા આઇશ્રી સોનલ માતાજીના મંદિર ખાતે દૂધપાક બનાવી માલધારી સમાજના લોકોએ સાથે પ્રસાદ લઈ અનોખી રીતે વિરોધ વ્‍યક્‍ત કર્યો છે. (અહેવાલઃ મુકુંદ બદિયાણી, તસવીરઃ કિંજલ કારસરીયા,)