Gujarati News

(વિનોદ ગાલા દ્વારા)ભુજતા.૨૨

વડાપ્રધાનશ્રી નરેન્‍દ્રભાઇ મોદી દ્વારા ભુજ કચ્છ ખાતે સ્મૃતિવન અર્થક્વેક મ્યુઝિયમ અને મેમોરિયલ પ્રોજેકટનું લોકાર્પણ કરવામાં આવેલ છે. સ્મૃતિવન મેમોરિયલ પ્રોજેકટને તા.૨૩/૦૯/૨૦૨૨ થી જાહેર જનતા માટે ખુલ્લુ મુકવામાં આવનાર છે. સોમવાર સિવાય દરરોજ મુલાકાતીઓ સ્મૃતિવનની મુલાકાત લઇ શકશે. વોકર્સ/જોગર્સ માટે સવારે ૦૫:૦૦ કલાકથી ૦૯:૦૦ કલાક સુધી નિ:શુલ્ક પ્રવેશ રહેશે. 

    અન્ય મુલાકાતીઓ માટે નિયમોનુસાર નકકી થયેલ પાર્કીંગ અને પ્રવેશ શુલ્ક ચુકવવાના રહેશે. મુલાકાતીઓ માટે ઉનાળાની ઋતુમાં ૧૬ માર્ચથી ૧૫ સપ્‍ટેમ્બર સુધી સવારે ૧૦:૦૦ કલાકથી બપોરે ૦૨:૦૦ કલાક સુધી તેમજ સાંજે ૦૪:૦૦ થી ૦૮:૦૦ કલાક સુધી અને શિયાળાની ઋતુમાં ૧૬ સપ્‍ટેમ્બરથી ૧૫ માર્ચ સુધી સવારે ૧૦:૦૦ થી સાંજે ૦૬:૦૦ કલાક સુધી મ્યુઝિયમ ખુલ્લુ રહેશે એમ જીલ્લા વહિવટીતંત્રની અખબારી યાદીમાં જણાવ્યું છે.