Gujarati News

Gujarati News

News of Saturday, 21st November 2020

અમરેલીમાં કોરોના પોઝીટીવ ૧૯ કેસઃ ૧૦૦ બેડની હોસ્પિટલ તૈયાર

(અરવિંદ નિર્મળ દ્વારા) અમરેલી તા. ર૧ :.. અમરેલીમાં કોવિડ માટે હાલમાં ઓકિસજનની પાઇપ લાઇન સાથે એક માત્ર શાંતાબા ગજેરા હોસ્પિટલ કાર્યરત છે અને કોરોનાના કેસ વધવાની પુરી શકયતા છે ત્યારે લોકો ધ્યાન નહી રાખે તો અત્યાર સુધી નથી થઇ તેવી ખરાબ સ્થિતી અમરેલી જિલ્લામાં થવાની પુરી શકયતા છે. શુક્રવારે જિલ્લામાં કોરોનાના ૧૯ કેસ આવ્યા છે તેની સામે ૧ર દર્દીઓ સાજા થયા છે અને ૧૧૧ દર્દીઓ સારવારમાં છે કોરોનાના કુલ કેસની સંખ્યા ર૯૩૩ થઇ છે અત્રે ઉલ્લેખનીય છે કે કોવિડ માટેની એકસો કરતા વધારે ઓકિસજન બેડ સાથે તૈયાર કરાયેલી રાધીકા હોસ્પિટલ ખાલી કરી નખાઇ છે.

ત્યારે કલેકટરશ્રી આ હોસ્પિટલને ફરી કોવિડ માટે રાખે તે જરૂરી છે કારણ કે સીવીલમાં કોવિડ અને નીચેના ન્યુમોનીયા સહિતન વોર્ડ ભરચક થઇ ગયા છે. ત્યાં કોઇ બેડ ખાલી નથી. બીજી તરફ કોવિડની સ્થિતીની ગંભીરતા પારખીને એસપી શ્રી નિર્લિપ્ત રાય દ્વારા પોલીસ તંત્રને  માસ્ક માટે કડક પગલા લેવા તાકીદ કરાઇ છે. અને લોકોને પણ અનુરોધ કરાયો છે કે તે કોરોનાને વધતો અટકાવવા માટે માસ્ક પહેરે અને સોશ્યલ ડીસ્ટન્સીંગ સહિતના નિયમોનું પાલન કરે જયાં સુધી વેકસીન નથી આવી ત્યાં સુધી પોતાના પરિવારજનોની સલામતી માટે લોકો સામાજીક મેળાવડાઓ મુલત્વી રાખે.

(1:00 pm IST)
  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • અયોધ્યા રામ મંદિર નિર્માણ ટ્રસ્ટની મિટિંગ આવતીકાલ રવિવારે દિલ્હીમાં મળશે : એલએન્ડટી, ટાટા કન્સલ્ટન્સી, સોમપુરા કન્સ્ટ્રક્શન તથા દૂરદર્શન સાથેના કરારો અંગે નિર્ણય લેવાશે : ટ્રસ્ટના મહાસચિવ ચંપતરાય ,ટ્રસ્ટી ડો.અનિલ મિશ્ર, વિમલેન્દ્ર મોહન પ્રતાપ મિશ્ર સહિતના અગ્રણીઓ હાજરી આપશે access_time 1:49 pm IST

  • મુંબઈમાં ' કરાંચી સ્વીટ્સ ' નું નામ બદલવા શિવસેનાની માંગણી અંગે ભાજપ અગ્રણી દેવેન્દ્ર ફડણવીસનું મંતવ્ય : અમે ' અખંડ ભારત ' નું સ્વપ્ન સાકાર કરવા માંગીએ છીએ : એક દિવસ એવો આવશે કે કરાંચી પણ ભારતમાં હશે : લવ જેહાદ વિરુદ્ધ કાયદો પસાર કરવાની જવાબદારી સરકારની access_time 12:00 pm IST