Gujarati News

Gujarati News

News of Wednesday, 21st March 2018

પન્ના ડેમ પાસે ટ્રકમાં સુતેલ મજૂરનું મોત

જામનગર તા. ૨૧ : જામનગર તાલુકાના મોટીખાવડી ગામેરહેતા કમલેશ હરીશભાઈ સંજોટ ઉ.વ. ર૭ એ પોલીસમાં જાહેર કરેલ છે કે, પન્ના ડેમની બાજુમાં આવેલ રિલાયન્સ કંપની આઈ.આઈ.આર. રબ્બર પ્લાન્ટના સી.એમ.સી. સ્ટોર પાસે ઘેલુભા દરબારના ટ્રક નં. જી.જે.૧ર–ટી–પ૩૭૧ માં અરશીભાઈ નારણભાઈ સજોટ ઉ.વ. પ૩ વાળા સુતા હોય તયારે કોઈપણ કારણસર બેભાન થઈ જતાં સારવાર અર્થે જામનગર લાવતા ફરજ પરના ડોકટરે તેઓને મૃત જાહેર કરેલ હતા.

દારૂના જથ્થા સાથે ઝડપાયો

પંચ એ પોલીસ મથકના એમ.કે.ગઢવીએ જામનગર–રાજકોટ હાઈવે હાપા રેલ્વે સ્ટેશન જવાના રસ્તેથી ખુસાલભાઈ મનસુખભાઈ સોલંકી ખવાસ ઉ.વ. ર૮ રહે. ગુલાબનગરવાળાને પોલીસે ૬ર અડધિયા બોટલ કિંમત રૂ. ૧પપ૦૦ સાથે ઝડપી પાડયો હતો જયારે કુલદિપ પ્રફુલભાઈ ગઢવી નાશી ગયો હતો.

જોડીયામાંથી આંકડાશાસ્ત્રી ઝડપાયો

જોડીયામાં મોટોવાસમાં રહેતો મનસુહ હુશેન સંઘાડને પોલીસે જાહેરમાં વર્લીમટકાના આંકડા લખી લખાવી પૈસાની હારજીત કરતા રેઈડ દરમ્યાન રોકડ રૂ. ૧પ૦૦ સાથે ઝડપી પાડયો હતો જયારે જુલાની ઉર્ફે મનુડો હુશેન નાશી ગયો હતો.

જોડીયામાં જુગાર રમતા ૭ ઝડપાયા

જોડીયા પોલીસ મથકના વી.એન.ગઢાદરાએ મયુરસિંહ બાબુભા જાડેજાની વાડી પાસે જાહેરમાં આ કામેના આરોપીઓ ઓસમાણ હાસમભાઈ સમેજા, રાજભા ચંદુભા સોઢા, મયુરસિંહ પ્રવિણસિંહ જાડેજા, હાર્દિક ભટૃ, બાવલા હારૂન નોતીયાર, હરેશ મનુભાઈ જોષી અને મનસુર હુશેનને રેઈડ દરમ્યાન જુગાર રમતા રોકડ રૂ. ૩૬ર૦૦ સાથે ઝડપી પાડયા હતા.

ડ્રાઇવરે ૭ મણ જીરૂ વેચી ૩૬ હજારની ઠગાઇ કરી

જામજોધપુરમાં રાજાણી પ્લોટમાં રહેતા મેશુરભાઈ જેશાભાઈ મસુરા ઉ.વ. ૪૦ વાળા એ પોલીસમાં ફરીયાદ નોંધાવી છે કે, ફરીયાદીના મોમાઈ ટ્રાન્સપોર્ટમાં ડ્રાઈવર તરીકે નોકરી કરતા સતાર જુસબભાઈ ધુધા રહે. જામનગરવાળો ટ્રક નંબર જી.જે.૧૦–ઝેડ–૮૦૦૦ માં સાહેદનું જીરૂના ૧૩ બારદાન તથા પરચુરણ માલસામાન ભરી નીકળેલ હોય જે પૈકી એક બાચકુ તથા બે ગુણી જીરૂ મળી કુલ સાત મણ જીરૂ કિંમત રૂ. ૩૬૦૦૦ નું વેચી દઈ ફરીયાદી તથા સાહેદ સાથે ઠગાઈ કરી ગુન્હો કરેલ છે.

એસ.ટી. ડેપો પાસેથી મોટર સાયકલ ચોરાયુ

અહીં વિનાયક પાર્ક સોસાયટીમાં રહેતા હિંમતભાઈ હમીરભાઈ મકવાણાએ પોલીસમાં ફરીયાદ નોંધાવી છે કે, વી.એમ.શાહ હોસ્પિટલની બાજુમાં પોતાની મોટર સાયકલ જી.જે.૧૦–બીએ–૭૬૦પ કિંમત રૂ. રપ હજારની પાર્ક કરેલ જયાંથી કોઈ ચોર ઈસમ ચોરી કરી લઈ ગયેલ છે.

(1:15 pm IST)
  • સોનિયા ગાંધીના સ્થાપિત ટ્રસ્ટ સહિત ૪૨ એનજીઓ વિરૂદ્ધ તપાસનો ધમધમાટ : વિદેશોમાંથી ફંડ મેળવવા અંગે : સોનિયા ગાંધી સ્થાપિત રાજીવ ગાંધી ચેરીટેબલ ટ્રસ્ટ સહિત ૪૨ એનજીઓ વિરૂદ્ધ વિદેશોમાંથી ફંડ મેળવવા અંગે તપાસ ચાલુ થઈ છેઃ લોકસભામાં માહિતી આપતા રાજયકક્ષાના ગૃહમંત્રી કિરણ રિજ્જુ access_time 3:40 pm IST

  • રાજસ્થાનના પાલીમાં ગણગૌર પુજન માટે લાખોટીયા તળાવ સ્થિત સિરેઘાટ ઉપર બેડા લઈને પાણી ભરવા આવેલ મહીલાઓ તસવીરમાં દર્શાય છે. access_time 3:43 pm IST

  • આધાર કેસમાં દલિલો દરમિયાન એટર્ની જનરલ કે. કે. વેણુગોપાલે સુપ્રીમ કોર્ટમાં કહ્યું હતું કે આધાર યોજના હેઠળ એકત્ર થયેલ તમામ ''ડેટા'' સલામત છે ! આ ''ડેટા''ને એવા બિલ્ડીંગમાં રખાયા છે જેની દિવાલો ૧૦ ફૂટ જાડી છે !! : આધાર કેસમાં અદ્ભૂત-લાજવાબ દલિલ! access_time 4:24 pm IST