Gujarati News

Gujarati News

News of Wednesday, 21st March 2018

ગોંડલની સગીરા ઉપરના બળાત્કાર કેસના આરોપીનો નિર્દોષ-છુટકારો

ગોંડલ તા.૨૧: ગોંડલના એડી સેશન્શ જજ જે.એન.વ્યાસે અપહરણ અને બળાત્કાર તેમજ પોકસો એકટની કેસમાં મહત્વનો ચુકાદો આપીને આરોપીને નિર્દોષ છોડી મુકેલ છે.

લોધીકા પોલીસ સ્ટેશનમાં ફરીયાદીએ ફરીયાદ આપેલ કે તા.૪-૨૦૧૭ના સવારે તેણી વાસણ માજવાના કામે ગયેલ અને પતિ શાકભાજી વેચવા ગયેલા હતા. અને સાસુ તથા બંને દિકરી દિકરાઓ ઘેર હતા. સાંજના તેણી ઘરે આવી ત્યારે દિકરીએ કહેલ કે બા નહાવા ગયા. ત્યારે બોપરના ચાર વાગ્યે તેની સગીર દિકરી ઘરેથી જતી રહેલ અને તપાસ કરતા મળી આવેલ નહી તેમના ઘરની બાજુમાં રહેતા ઘનશ્યામભાઇ ભીખુભાઇ પરમાર સાથે તેની દિકરી ઉ.વ.૧૪ વાળીને પ્રેમ સંબંધ હોય તેના ઘરે તપાસ કરતા તે પણ હાજર ન હતો જેથી ઘનશ્યામ ભીખુભાઇ મારી સગીર વયની દિકરી હોવાનું જાણવા છતાં લગ્ન કરવાના બદઇરાદે મારી સગીર વયની દિકરીને લલચાવી ફોસલાવી કાયદેસરના વાલી પણામાંથી બદઇરાદે ભગાડી ગયાની ફરીયાદ આપેલ ત્યારબાદ સદરહું ગુન્હાનું ચાર્જસીટ કોર્ટ કરવામાં આવેલ.

સદરહુ કેસમાં આરોપીના ધારાશાસ્ત્રીની દલીલો ધ્યાને લઇ ફરીયાદ પક્ષના તમામ સાહેદોની મોખીક જુબાની તથા જુબાની દરમ્યાન રજુ થયેલ જુદા-જુદા દસ્તાવેજી પુરાવા ધ્યાને લેતા બનાવ વખતે ભોગ બનનારની ઉમર અઢાર વર્ષથી નાની હતી તેવું ફરીયાદ પક્ષ નિઃશંકપણે પુરવાર કરી શકેલ નથી તેજ રીતે ભોગ બનનારને આરોપી લલચાવી ફોસલાવી બદકામ કરવાના ઇરાદે તેણીના વાલીપણામાંથી અપહરણ કરી લઇ ગયેલ હોઇ તેમજ ભોગ બનનાર સાથે બળજબરી પૂર્વક કે તેણીની સંમતીથી શારિરીક સંબંધ બાધેલ હોય તેવી કોઇ પણ હકીકત ફરીયાદ પક્ષ નિઃશંક પણે સાબીત કરી શકેલ નથી જેથી આરોપી મનોજ ઉર્ફે ધનો ભીખાભાઇ પરમાર રહે લોધીકા વાળા ને IPC+363,366,376 તથા પોકસો એકટની ક.૪.૬ના શિક્ષાને પાત્ર ગુનાઓમાં નિર્દોષ ઠરાવી છોડી મુકવાનો હુકમ કરેલ છે

સદરહુ કેસમાં આરોપી તરફે ગોંડલના ધારાશાસ્ત્રી મયુર એસ.સોરઠીયા તથા સુરેશચંદ્ર એસ.સોરઠીયા રોકાવેલ હતા.

(11:52 am IST)
  • હત્યા-ફાયરીંગ પ્રકરણમાં મોરબી ભાજપ અગ્રણી સહિતના આરોપીઓના આશ્રય સ્થાનો ઉપર દરોડાઃ પંચાસર સ્થિત નિવાસ સ્થાને અને અન્ય સ્થળો ઉપર પોલીસ ત્રાટકીઃ કોઈ સગળ ન મળતા કોલ ડીટેઈલના આધારે તપાસ access_time 3:58 pm IST

  • દિલ્હી : દ્વારકાની ઈપીએફ ઓફીસમાં બનાવટી ખાતા કૌભાંડ : કરોડો જમા કરાવ્યા : નવી દિલ્હી : કૌભાંડોની હારમાળામાં વધુ એક કૌભાંડ ઉમેરાયુ : દિલ્હીના દ્વારકા ખાતેની ઈપીએફ ઓફીસમાં ૪ કરોડ રૂપિયા બનાવટી ખાતાઓમાં જમા કરાયાની એફઆઈઆર નોંધાવાઈ : ૧ કર્મચારીની ધરપકડ થઈ access_time 3:41 pm IST

  • મનમર્જીયા ફિલ્મના ૨ ફોટા સોશ્યલ મીડીયા ઉપર મૂકાયા : અનુરાગ કશ્યપની ફિલ્મ 'મનમર્જીયા'ની અભિનેત્રી તાપસી પન્નુએ ૨ ફોટા સોશિયલ મિડીયા ઉપર શેર કર્યા : એકમાં પોતે વિકી કૌશલના ખભે બેસવાનો આનંદ વ્યકત કરતી તથા બીજામાં અભિષેક પાઘડી પહેરેલો દર્શાવ્યો access_time 3:42 pm IST