Gujarati News

ધોરાજી તા.રરઃ ધોરાજી વિસ્તારમાં દિપડો પરીવાર સાથે આવી ચડતા ખેડુતોમાં ભયની લાગણી ફેલા છે અને છેલ્લા ઘણા દિવસોથી ધોરાજીના જુના તોરણીયાના માર્ગ વિસ્તારમાં ૧ દિપડો ૧ દિપડી અને બેબચ્ચા સાથે ધામા નાખતા ખેડુતોમાં ભય ફેલાયો હતો.

આ અંગે નિલેશભાઇ પટેલ સહીતનાઓએ ઉચ્ચ કક્ષાએ રજુઆત કરતા ૧ દિપડી પકડાયેલ અને બાદમાં ફરી પાંજરૂ મુકતા ગઇકાલે દિપડાનું બચ્ચુ પાંજરે પૂરાયું હતું જે એક વર્ષનું છે અને તે દિપડો છે.

આ બચ્ચાને આજે તેના કુદરતી રહેઠાણ જંગલ વિસ્તારમાં છોડી મુકાશે અને હજુ ૧ દિપડો અને એક બચ્ચાને પકડવાના છે.