Gujarati News

Gujarati News

News of Tuesday, 13th August 2019

કચ્છમાં ભારે વરસાદથી સેંકડો રસ્તાઓનું ધોવાણઃ વ્યાપક નુકશાન

જિલ્લા પંચાયતના ર૧ માર્ગો બંધઃ જિલ્લા પંચાયત હસ્તકના પપ માર્ગોને નુકશાની

ભુજઃ  કચ્છમાં બે દિવસના ભારે વરસાદને કારણે જિલ્લાના સેંકડો માર્ગોને નુકશાની પહોંચી ે. સ્ટેટ આર એન્ડ બી અને જિલ્લા પંચાયતના માર્ગોને નુકશાની થતા ગામડાઓનો  આંતરિક વ્યવહાર ખોરવાયેલો છે.

માર્ગ અને મકાન વિભાગના કાર્યપાલક ઇજનેર કે.આર. પટેલે જણાવ્યું હતું કે, સ્ટેટ આર એન્ડ બી ના અનેક માર્ગોને નુકશાની પહોંચી છે. પરંતુ અમારી પ્રાથમિકતા હાલ જે માર્ગો બંધ છે તેને પુનઃ ચાલુ કરાવવાના છે. આર એન્ડ બી નો મોટા ભાગનો સ્ટાફ ફિલ્ડમાં નીકળી ગયો છે. અને કોન્ટ્રાકટરો તેમજ સરકારી એજન્સીઓના સાધનોથી રસ્તાઓનું સમારકામ કરવાની કવાયત હાથ ધરાઇ છે. માર્ગોને થયેલી નુકશાની અંગેનો સર્વે પણ કરવામાં આવી રહ્યો હોવાનું તેમણે ઉમેર્યુ હતુ.

તંત્ર દ્વારા કામગીરી ચાલુ હોવાથી તેઓ  ચોકકસ કેટલા માર્ગોને અસર થઇ છે તે જણાવી શકયા ન હતા. પરંતુ આજે સવાર સુધી જિલ્લાના ૬ માર્ગો બંધ હોવાનું તેમણે ઉમેર્યુ હતુ. જેમાં દેશલપર-હાજીપીરનો રાજયમાર્ગ બંધ હોવાનું કહ્યું હતુ. આ માર્ગ વરસાદમાં ધોવાઇ જતા તેને પુનઃશરૃ કરવાની  કામગીરી હાથ ધરાઇ છે. આ ઉપરાંત કોટડા-બીટ્ટા, રવાપર-નેત્રા, લખપત-કોટેશ્વર, સામખિયાળી કંથકોટ, તેમજ શીવલખા-લાકડીયા-કટારીયાનો  રાજયધોરી માર્ગ પણ આજે સવારની સ્થિતિએ બંધ હોવાનું તેમણે ઉમેર્યુ હતુ.

જિલ્લા પંચાયત હસ્તકના રસ્તાઓની વાત કરીએ તો બાંધકામ શાખાના દફતરેથી પ્રાપ્ત વિગતો મુજબ ભારે વરસાદને કારણે જિલ્લા પંચાયત હસ્તકના પપ રસ્તાઓને વ્યાપક નુકશાની પહોંચી છે. જેમાંથી ૩૪ રસ્તાઓ ચાલુ કરવામાં આવ્યા છે અને ર૧ માર્ગો આજે સવારે ૧૦ વાગ્યાની સ્થિતિએ બંધ હોવાનું જાણવા મળ્યું હતુ. જિલ્લા પંચાયત હસ્તકના રસ્તાઓમાં પણ તંત્ર દ્વારા સમારકામ કરવાની તજવીજ હાથ ધરવામાં આવી હતી.

(11:20 pm IST)
  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST

  • નિતિન ગડકરી સાથેના વિમાનને રન-વે ઉપરથી પાછું વાળ્યું: નાગપુરથી દિલ્હી જતી ઇન્ડિગો ૬ઇ ૬૩૬ નંબરની ફલાઇટ નાગપુરના રન-વે ઉપરથી પાછી વાળી લેવામાં આવેલ હતી. કોઇ ટેકનીકલ ક્ષતિ સર્જાયાનું કહેવાય છે. આ ફલાઇટમાં કેન્દ્રીય મંત્રી શ્રી નિતિન ગડકરી સહિત તમામ મુસાફરોને સહી સલામત ઉતારી લેવામાં આવેલ access_time 11:23 am IST

  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST