Gujarati News

Gujarati News

News of Wednesday, 15th May 2019

ગારીયાધારના ગણેશગઢમાં સુજલમ -સુફલમ યોજના હેઠળ તળાવો ઉંડા ઉતારવાની કામગીરી

ગારીયાધાર તા. ૧પ :.. તાલુકામાં સુજલમ-સુફલમ યોજના હેઠળ ગામડાઓમાં તળાવો, ચેક ડેમો સહિતના પાણી નિરાકરણ માટે ૬૦-૪૦ ની યોજના હેઠળ કામો ચાલી રહ્યા છે. ત્યારે ગણેશગઢ વિકાસ ટ્રસ્ટના પ્રયાસોથી ગણેશનગઢમાં તળાવો ઉંડા ઉતારવાના કામો ચાલી રહ્યા છે.

ગણેશગઢ વિકાસ ટ્રસ્ટના પ્રમુખ મનસુખભાઇ નાકરાણી અને ઉપપ્રમુખ ભરતભાઇ વાવડીયાના જણાવ્યા પ્રમાણે ગામ વિકાસ ટ્રસ્ટ દ્વારા સુરતથી દાતાઓ પાસેથી પ૧ લાખ, સવજીભાઇ ધોળકીયા પાસેથી રપ લાખનું દાન મેળવી અને ધારાસભ્ય કેશુભાઇ નાકરાણીના પ્રયત્નોથી સરકારની ૬૦-૪૦ ની યોજનાનું અમલીકરણ કરાવ્યા બાદ ગણેશગઢ ગામના તળાવો અને ચેક ડેમો ઊંડા ઉતારવાનું કામો ચાલી રહ્યા છે.

આ ભગીરથ પ્રયાસોથી ગણેશગઢ ચારે બાજુ આવતા તળાવો - ચેક ડેમો ઊંડા ઉતરશે જેના કારણે વરસાદી પાણીનો સંગ્રહ વધશે પાણીના તળ ઉંચા આવશે જેના કારણે ખેતી અને વપરાશના પાણીની સમસ્યાઓને ઉકેલ આવશે.

(11:26 am IST)
  • ગોંડલના ચરખડી પાસે આકાશ જીનીંગ મીલમાં ભભૂકી : આગની ઘટનાની જાણ થતા ગોંડલ-જેતપુરના ફાયરબ્રિગેડ ઘટના સ્થળે પહોંચ્યા :જીનીંગ મીલમાં પડેલા કપાસના જથ્થામાં આગ ભભૂકી ઉઠવાનું કારણ અકબંધ: access_time 8:59 pm IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST