Gujarati News

Gujarati News

News of Monday, 4th June 2018

ચોટીલા પાસે કોઝવેનું કામ કયારે ?

ચોટીલા : તાલુકાનાં ૧૫ થી વધુ ગામડાઓ અને સાયલા તાલુકાને જોડતો મહત્વનો રસ્તો ધરાવતા પીપરાળી - મોરસલ ભોગાવા ઉપર આવેલ બેઠા કોઝવેનું ગત વર્ષે અતિવૃષ્ટિને કારણે ધોવાણ થયેલ હતું. દર ચોમાસામાં સમસ્યા બનતા આ કોઝવે ઉપર પુલ બનાવવાની લોકોની માંગણી હતી તંત્ર દવારા કાયમી ઉકેલ લાવવાની મૌખીક વાતો કરવામાં એક વર્ષ પસાર કરવામાં આવેલ છે પરંતુ ના તો પુલ બન્યો કે ના આ નુકશાન પામેલ કોઝવેની મરામત કરવામાં આવી જેથી આસપાસની ગ્રામ્ય પ્રજામાં તંત્રની લાપરવાહી સામે રોષની લાગણી વ્યાપી છે. પીપરાળીનાં સરપંચ દુદાભાઇ ચાવડાએ લાગતા વળગતા તંત્રને લેખીત જણાવ્યું છે કે આ કોઝવે તુટી જતા સામાન્ય પ્રજા અને વાહાન વ્યવહારને મુશ્કેલી ભોગવવી પડે છે આ પુલ માટે તંત્ર દવારા તાત્કાલીક પગલા નહી લેવાય તો આ ચોમાસામાં ૧૫ ગામો તાલુકા મથક થી સંપર્ક વિહોણા થશે. ધોવાણ થયેલ પુલની જગ્યાની તસ્વીર.

(9:31 am IST)
  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST