Gujarati News

Gujarati News

News of Saturday, 20th November 2021

વિરપુરમાં વિજચોરીનો તાણીયો કાઢી લેવાનું કહેતાં વિજય પર હુમલો

ઝવેર, પોપટ, તેની પત્નિ સહિતે ધોકાવાળી કરી

રાજકોટ તા. ૨૦: વિરપુરમાં રેલ્વે સ્ટેશન પાસે ભુલેશ્વર ચોકમાં રહેતાં રિક્ષાચાલક વિજય સોમાભાઇ મકવાણા (ઉ.વ.૩૫) નામના યુવાન પર પડોશમાં રહેતાં ઝવેર તલસાણીયા-દેવીપૂજક, પોપટ તલસાણીયા, તેની પત્નિ સહિતનાએ ધોકાથી હુમલો કરી માર મારતાં સારવાર માટે રાજકોટ સિવિલ હોસ્પિટલમાં ખસેડાયો હતો. ચોકીના સ્ટાફે આ અંગે વિરપુર પોલીસને જાણ કરી હતી.

પડોશમાં રહેતાં ઝવેર દેવીપૂજકે વિજચોરી કરવા તારમાં તાણીયો નાંખ્યો હોઇ તે પડે તો છોકરાઓને કરંટ લાગી જવાનો ભય હોઇ તેને તાણીયો કાઢી લેવાનું કહેતાં ઉશ્કેરાઇ જઇ ઝઘડો કરી હુમલો કરાયો હોવાનું જણાવાતાં પોલીસે વધુ તપાસ હાથ ધરી છે.

(11:01 am IST)