Gujarati News

અમરેલી જીલ્લામાં ભર શિયાળે વરસાદી માહોલ છવાયો હતો. સમગ્ર જિલ્લામાં 3 દિવસથી વાદળછાયું વાતાવરણ જોવા મળી રહ્યું હતું. જેમાં ધારી ગીર કાંઠાના ગામોમાં કમોસમી વરસાદ પડ્યો છે. દલખાણીયા, કાંગસા, ચાચાઇ જેવા ગામોમાં વરસાદ પડ્યો હતો. આંબાગાળા,મીઠાપુર સહિતના ગામોમાં વરસાદી માહોલ જોવા મળ્યો છે. રવીપાક નિષ્ફળ જવાની ભીતિ વચ્ચે કમોસમી વરસાદથી ખેડૂતોની હાલત કફોડી બની છે.