Gujarati News

મોરબીના વીસીફાટક નજીક આજે બપોરના સુમારે અકસ્માત સર્જાયો હતો જેમાં એક માલગાડી પસાર થતી હોય જેની ઠોકરે આવી જતા એક આધેડના પગનો પંજો કપાયો હતો જેથી સારવાર માટે હોસ્પિટલ ખસેડાયા હતા

બનાવની મળતી વિગતો પ્રમાણે નવલખીથી વાંકાનેર તરફ જતી માલગાડી આજે બપોરે ૦૨ : ૪૫ કલાકે મોરબીના વીસીફાટક નજીક પહોંચી ત્યારે રેલ્વે પાટા ક્રોસ કરવા જતા આધેડ ટ્રેનની હડફેટે આવી જતા સારવાર માટે હોસ્પિટલ ખસેડાયા હતા

 બનાવ અંગે રેલ્વે પોલીસના રતિલાલભાઈ પાસેથી પ્રાપ્ત વિગતો અનુસાર માલગાડીની ઠોકરે આવી જતા અજય કાંતિલાલ અનડકટ (ઉ ૪૪) નામના વ્યક્તિને ઈજા પહોંચી છે જેના પગનો એંક પંજો કપાયો હોય જેથી સારવાર માટે હોસ્પિટલ ખસેડી રેલ્વે પોલીસે વધુ તપાસ હાથ ધરી છે.