Gujarati News

Gujarati News

News of Tuesday, 20th April 2021

સાવરકુંડલાઃ વી.એસ. હોસ્પીટલમાં ૧૫૦૦ બેડ કોરોના દર્દીઓ માટે કાર્યરત કરો

ધારાસભ્ય ગ્યાસુદીન શેખની રજૂઆત

(ઈકબાલ ગોરી દ્વારા) સાવરકુંડલા, તા. ૨૦ :. દરિયાપુર વિધાનસભા બેઠકના ધારાસભ્ય ગ્યાસુદીન શેખ દ્વારા જણાવ્યુ છે કે, અમદાવાદ શહેરના ગુજરાત યુનિવર્સિટીના કોન્વેકેશન સેન્ટર ખાતે ડીઆરડીઓ દ્વારા ડેડીકેટેડ કોવિડ હોસ્પીટલ ઉભી કરાઈ રહી છે. આ હોસ્પીટલ ઉભી કરવામાં વી.એસ. હોસ્પીટલની મદદ લેવાય રહી છે પણ વાસ્તવમાં હાલ અમદાવાદ શહેરને હજારોની સંખ્યામાં બેડની જરૂર છે.

ગુજરાત યુનિવર્સિટીના કોન્વેકેશન સેન્ટર ખાતે ડીઆરડીઓ દ્વારા ડેડીકેટેડ કોવિડ હોસ્પીટલની ક્ષમતા ૯૦૦ બેડની રખાશે. અમારૂ માનવું છે કે, કોરોનાની હાલની સ્થિતિ જોતા અમદાવાદ મ્યુનિ.ની વી.એસ. હોસ્પીટલને ફરી શરૂ કરવી જોઈએ. વી.એસ. હોસ્પીટલના ૧૫૦૦ બેડ કોરોનાના દર્દીઓ માટે કાર્યરત કરવા જોઈએ. આ કામમાં પણ ડીઆરડીઓની મદદ લેવી જોઈએ.

તેમણે વધુમાં જણાવ્યુ કે, ગુજરાત સરકારના શિક્ષણ વિભાગે તા. ૧૬ એપ્રિલ ૨૦૨૧ના રોજ પરિપત્ર કર્યો છે કે, ગુજરાત યુનિવર્સિટીના કોન્વેકેશન સેન્ટર ખાતે ડીઆરડીઓ દ્વારા ડેડીકેટેડ કોવિડ હોસ્પીટલનું નિર્માણ કરવામાં આવશે. આ નવી ઉભી થનારી હોસ્પીટલનું જોડાણ વી.એસ. હોસ્પીટલની સાથે કરાશે. આ કરવાથી અન્ય હોસ્પીટલો ઉપર ભારણ ઘટશે. દર્દીઓને બેડ ઉપલબ્ધ થશે. સમયસર જરૂરીયાતમંદ દર્દીઓને સારવાર મળી શકશે.

(12:59 pm IST)
  • સાંજે ૫:૩૦ આસપાસ રાજકોટ નજીક શહેર અને ગોંડલ પંથકમાં કમોસમી વરસાદ શરૂ થયો છે : આકાશમાં કાળા ડિબાંગ વાદળો અચાનક ઘેરાઇ આવ્યા છે (ભાવેશ ભોજાણી દ્વારા) access_time 5:33 pm IST

  • ૧લી જુલાઈથી લાખો કેન્દ્રીય કર્મચારીઓનો પગારમાં મોટો વધારો થશે : ૭મા પગારપંચ હેઠળ ૧લી જુલાઈથી કેન્દ્રીય કર્મચારીઓનો પગાર વધીને આવશે : ૨૮ મોંઘવારી ભથ્થુ મળશે તેવુ જાણવા મળશે : જુલાઈ મહિનામાં કેન્દ્રના કર્મચારીઓ અને પેન્શનરોને મોંઘવારી ભથ્થુ હાલના ૧૭ થી વધીને ૨૮ મળશે તેવું જાણવા મળે છે access_time 3:24 pm IST

  • શેરબજારમાં આજે પણ ગાબડુ : સેન્સેકસ ૫૦૦થી વધુ પોઇન્ટ ડાઉન : આજે પણ શેરબજારમાં કોરોનાની માઠી અસર : બપોરે ત્રણ વાગ્યે સેન્સેકસ ૫૦૯ પોઇન્ટ ઘટીને ૪૭૪૪૦ અને નિફટી ૧૪૫ પોઇન્ટ ઘટીને ૧૪૨૧૪ ઉપર છે access_time 4:04 pm IST