Gujarati News

Gujarati News

News of Tuesday, 20th April 2021

ગીર-સોમનાથ જિલ્લામાં ખાનગી ૮ હોસ્પિટલને કોવીડ-૧૯ હોસ્પિટલ તરીકે માન્યતા

દરરોજ ૨૨૦૦ જેટલા લોકોનો કોવીડ ટેસ્ટઃ કલેકટર અજય પ્રકાશ

પ્રભાસ પાટણ, તા.૧૯: ગીર-સોમનાથ જિલ્લામાં કોરોના સંક્રમણ વધતા જિલ્લા કલેકટરશ્રી અજય પ્રકાશે ખાનગી ૮ હોસ્પિટલને કોવીડ-૧૯ હોસ્પિટલ તરીકે માન્યતા આપી છે. જિલ્લામાં ૨૦૯ પોઝીટીવ કેસ એકટીવ છે. જેમાંથી ૧૭૦ દર્દી હોસ્પિટલમાં દાખલ થયેલ છે. ૩૯ દર્દીઓ હોમ આઇસોલેશન થયેલ છે. ગીર-સોમનાથ જિલ્લા મથક વેરાવળ ખાતે આદિત્ય બિરલા હોસ્પિટલ-૨૫ બેડ, શ્રીજી હોસ્પિટલ-૧૫ બેડ, લાઇફલાઇન હોસ્પિટલ-૨૨ બેડ, નવજીવન હોસ્પિટલ-૨૩ બેડ, આઇ.જી.મેમોરીયલ હોસ્પિટલ-૨૮ બેડ, નટરાજ હોસ્પિલલ-૧૫ બેડ અને કોડીનાર અંબુજા હોસ્પિટલ ખાતે ૨૫ બેડ તેમજ ઉના શ્રી મહેતા હોસ્પિટલ ખાતે ૨૨ બેડ તેમજ સોમનાથ, ગીરગઢડા, ડોળાસા, સુત્રાપાડા ખાતે કોવીડ કેર સેન્ટર શરૂ કરવામાં આવ્યા છે.

આગામી દીવસોમાં તાલાળા ખાતે કોવીડ કેર સેન્ટર શરૂ કરવામાં આવશે. હોસ્પિટલમાં ઓકસીજનનો જથ્થો બહારના જિલ્લામાંથી મેળવી જરૂરીયાત મુજબ પુરો પાડવામા આવે છે. જિલ્લામાં દરરોજ બે હજારથી વધુ લોકોના કોરોના ટેસ્ટ કરવામાં આવે છે. જિલ્લામાં ૧.૧૪ લાખથી વધુ લોકોને રસીકરણ કરવામાં આવેલ છે અને વધુમાં વધુ લોકો રસીકરણમાં જોડાય તેવી કલેકટરશ્રી દ્વારા અપીલ કરવામાં આવી છે.

(10:27 am IST)
  • આંધ્ર પ્રદેશમાં ઉનાળુ વેકેશન જાહેર : આંધ્ર પ્રદેશ સરકારે કોરોનાની મહામારીને ધ્યાનમાં રાખીને ધોરણ ૧ થી ૯ માટે ઉનાળું વેકેશનની જાહેરાત કરી છે. access_time 4:04 pm IST

  • શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના તમામ ઔદ્યોગિક ઝોન બુધ-ગુરૂ બે દિવસ બંધ રહેશે : કોરોનાની મહામારીની પરિસ્થિતિને ધ્યાનમાં લઈ તા. ૨૧ અને ૨૨ (બુધ - ગુરૂ) માટે શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના ઔદ્યોગિક ઝોનના તમામ ઍકમો બંધ રહેશે તેમ શાપર વેરાવળ ઈન્ડસ્ટ્રીયલ ઍસોસીઍશનના રમેશભાઈ ટીલાળા, રતિલાલ સાડરીયા અને કિશોરભાઇ પટેલે જણાવ્યુ છે access_time 1:04 pm IST

  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST