Gujarati News

ભાવનગરઃભાવનગર જિલ્લામાંથી પરપ્રાંતીય લોકોને લઈને આજે બપોરે વધુ એક ટ્રેન ગોરખપુર જવા રવાના થઈ હતી.ભાવનગર જિલ્લાના ૧૪૫૨ પરપ્રાંતીય લોકો આ ટ્રેન મારફત તેમના વતન જવા રવાના થયા હતા.ભાવનગર રેલ્વે દ્વારા અત્યાર સુધીમાં ૧૧ શ્રમિક સ્પેશ્યલ ટ્રેન ગોરખપુર,લખનઉ સહિતના શહેર માટે દોડાવવામાં આવી છે.લોકડાઉનના ચોથા ચરણમાં ઉદ્યોગ-ધંધા ખોલવાની મંજૂરી માટેની તૈયારી વચ્ચે પરપ્રાંતીય લોકો વતન જતા રહેતા ઉદ્યોગકારોની મુશ્કેલી વધશે.