Gujarati News

વઢવાણ તા. ૧૯ : પાટડી તાલુકાના બજાણા ગામે રહેતો ૨૦ વર્ષીય યુવાન વઢવાણની વિદ્યાર્થિનીને તા. ૧૬ના રોજ સવારે ભગાડીને લઇ ગયો હતો. માલવણ પહોંચતા વિદ્યાર્થિની સગીરા હોવાનું ધ્યાને આવતા ત્યાંથી જ ૧૮૧માં ફોન કર્યો હતો. આથી ૧૮૧ની ટીમે ધસી જઇ સગીરાને પરિવારને પરત સોંપી હતી. જયારે યુવક સામે સગીરાના પિતાએ ફરિયાદ નોંધાવી છે.

વઢવાણમાં રહેતા પરિવારની ૧૬ વર્ષ ૬ માસની પુત્રી ધો. ૧૨માં અભ્યાસ કરે છે. સવારે ૭ થી ૯ ટયુશનનો સમય હોવાથી તે ટયુશન ગઇ હતી. બાદમાં ઘરે પરત ન ફરતા પરિવારે શોધખોળ કરી હતી. બીજી તરફ સગીરાને લઇને ગયેલો બજાણાનો ૨૦ વર્ષીય સાગર નાગજીભાઇ મકવાણા યુવાન માલવણ ચોકડી પાસે પહોંચતા વિદ્યાર્થિની સગીર હોવાની જાણ થઇ હતી. આથી ત્યાંથી જ ૧૮૧માં ફોન કરતા રંજનબેન મકવાણા, બીપીનભાઇ ઇન્દરીયાએ તેને લઇ આવી પરિવારને સોંપી હતી.