Gujarati News

Gujarati News

News of Tuesday, 19th March 2019

ભેસાણ માર્કેટિંગ યાર્ડની પેઢીએ 40 લાખનું ફુલેકુ ફેરવ્યું વેપારીઓ દ્વારા અચોક્કસ મુદ્દતનું બંધનું એલાન અપાયું

અનેક વેપારીઓના રૂપિયા ફસાયા :યાર્ડનું તમામ કામકાજ ખોરંભે ચડ્યું

જૂનાગઢ: જિલ્લાના ભેસાણ માર્કેટીંગ યાર્ડની એક પેઢી દ્વારા 40 લાખનું ફૂલેકું ફેરવીને ફરાર થતા યાર્ડના વેપારીઓના રૂપિયા ફસાયા છે અને યાર્ડના વેપારીઓ મુશ્કેલીમાં મુકાયા હતા. જેને લઈને યાર્ડના તમામ વેપારીઓ દ્વારા યાર્ડને અચોક્કસ મુદ્દત માટે બંધનું એલાન આપવામાં આવ્યું હતું.

    ભેસાણ માર્કેટિંગ યાર્ડમાં એક પેઢી દ્વારા અંદાજિત 40 લાખ કરતા પણ વધુનું ફૂલેકું ફેરવીને પલાયન થઇ જતા યાર્ડના કેટલાક વેપારીઓના રૂપિયા ફસાઈ ગયા હતા. જેને લઈ વેપારીઓની મુશ્કેલીમાં વધારો થતા વેપારીઓએ મંગળવારથી ભેસાણ માર્કેટિંગ યાર્ડમાં બંધનું એલાન આપવામાં આવ્યું હતું
    યાર્ડનું તમામ કામકાજ ખોરંભે પડી ગયું હતું. હડતાલ પર ઉતરેલા વેપારીઓ દ્વારા ફુલેકુ ફેરવીને પલાયન થઇ ગયેલી પેઢી દ્વારા તેમની બાકી રહેતી રકમનું ચૂકવણું નહિ કરવામાં આવે ત્યાં સુધી યાર્ડનું કામકાજ બંધ રાખીને વિરોધ વ્યક્ત કરવામાં આવશે.

(10:56 pm IST)
  • ભૈયુજી મહારાજ આત્મહત્યા કેસમાં મોટો ખુલાસો : તેમની સંપતિ હડપવાની હતી યોજના : દવાના નશામાં લખાવી હતી સ્યુસાઈડ નોટ : સેવાદાર વિનાયક અને શરદ આપતા હતા ધમકી : રેપ કેસમાં ફસાવવાની ધમકી આપતા હતા : આરોપીઓ પાસેથી કોરો ચેક મળ્યો access_time 6:04 pm IST

  • જામનગર સીટી પોલીસ સ્ટેશનમાં લૂંટના ગુનામાં નાસતો ફરતો ફિરોઝ ઉર્ફે ફિરીયો ગફાર ઝડપાયો : પેરોલ ફરલો સ્કવોડના પીએસઆઈ શિવાય બારોટ અને ઈન્ચાર્જ આર.બી.ગોજીયાના માર્ગદર્શન હેઠળ હેડ કોન્સ્ટેબલ અરજણભાઈ કોડીયાતર તથા લઘધીરસિંહ જાડેજાએ પેટ્રોલીંગ દરમિયાન સંતોષી માના મંદિર પાસેથી ફિરોઝને ઝડપી લીધો access_time 6:04 pm IST

  • રાષ્ટ્રપતિએ આપી લોકપાલ ટીમને મંજૂરી : ગુજરાતના બે સભ્યોની પસંદગી : લોકપાલ તરીકે જસ્ટિસ પિનાકી ચાંદ્રા ઘોષ અને જ્યુડીશ્યલ મેંમેંબરમાં જસ્ટિસ દિલીપ ભોંસલે,જસ્ટિઝ પ્રદીપકુમાર મોહન્ટી, જસ્ટિસ અજયકુમાર ત્રિપાઠી :નોન જ્યુડીશ્યલ મેમ્બરમાં દિનેશકુમાર જૈન (ચીફ સેક્રેટરી મહારાષ્ટ્ર ), અર્ચના રામસુન્દરમ (પૂર્વ આઇપીએસ અધિકારી )અને ડો, ઇંદ્રજીતપ્રસાદ ગૌતમ (પૂર્વ આઇપીએસ ઓફિસર ) રહેશે access_time 11:10 pm IST