Gujarati News

 ભુજ, તા.૧૯: ભુજ સ્વામિનારાયણ મંદિરના શ્રી કૃષ્ણ સ્વરૂપસ્વામીની માસિક ધર્મ અંગે ટિપ્પણી કરતી વાયરલ થયેલ વીડીયો કલીપ અંગે ભુજ સ્વામિનારાયણ મંદિરે ખુલાસો કર્યો છે. આ વીડિયો કલીપ એક વર્ષ જૂની છે. સ્વામી મહિલાઓનું પૂરું સન્માન કરે છે. મીડીયામાં કલીપ વાયરલ કરી, ખોટા સમાચારો પ્રસિદ્ઘ કરી, નિવેદનો આપવાની પ્રવૃતિઓ દ્વારા ભુજ સ્વામીનારાયણ મંદિરની સત્સંગ પ્રવૃતિઓ તેમ જ સ્વામિનારાયણ સંપ્રદાયને નીચો પાડવા સામે નારાજગી વ્યકત કરાઇ છે. આજે ભુજમાં જંગી ધર્મસભા તેમ જ રેલીનું આયોજન કરાયું છે.

જો કે આ વિડીયો કિલપ એક વર્ષ પહેલાની હોવાનું ચર્ચાઇ રહ્યુ છે ત્યારે શુ એક સ્વામિનારાયણ સંપ્રદાયના સંત એક વર્ષ પહેલા પણ આવી ટિપ્પણી કરી શકે ખરા? તે પ્રશ્ન છે.