Gujarati News

Gujarati News

News of Tuesday, 19th January 2021

ગઢડામાં ઈંટના સળગતા ભઠ્ઠા પર સૂઈ જતાં બે યુવાનનાં મોત

દારૂના નશામાં યુવાનો ભાન ભૂલ્યા ને જીવ ગુમાવ્યો : કઈ રીતે ઈંટના સળગતા ભઠ્ઠા ઉપર પહોંચી ગયા, તેમને ગરમી કેમ ન લાગી એ બાબત તપાસનો વિષય બની

અમદાવાદ, તા. ૧૮ : દારૂના નશામાં વ્યક્તિ કંઈપણ કરી શકે છે. નશામાં તેને ભાન જ નથી રહેતું કે તે જે કંઈ કરી રહ્યો છે તેનાથી તેનું મોત પણ થઈ શકે છે. બોટાદ જિલ્લાના ગઢડામાં પણ આવી જ એક ચોંકાવનારી ઘટના બની છે, જેમાં બે યુવકો દારૂના નશામાં ઈંટના સળગતા ભઠ્ઠા પર સૂઈ ગયા હતા. સવાર સુધીમાં તો બંનેના મોત થઈ ગયા. જાણવા મળ્યા મુજબ, ગઢડાના સામાકાંઠા વિસ્તારમાં આવેલા ઈંટોના ભઠ્ઠા પર એ સમયે ચકચાર મચી ગઈ કે જ્યારે બે યુવાનો ભઠ્ઠા પર મૃત હાલતમાં મળી આવ્યા. ઈંટના સળગતા ભઠ્ઠા પરથી ધૂમાડાના ગોટા નીકળતા રહેતા હોય છે અને તેની ગરમી દૂરથી અનુભવાય છે. ત્યારે આ બે યુવાનોની લાશ જોઈને લોકોને એ વાતનું આશ્ચર્ય થયું કે, આ બે જણા કઈ રીતે ઈંટના સળગતા ભઠ્ઠાની ઉપર પહોંચી ગયા અને તેમને ગરમી કેમ ન લાગી? ભઠ્ઠા પર ચડતી વખતે તેમનું શરીર દાઝ્યું નહીં હોય?

આ ઘટનાની જાણ પોલીસને કરતા પોલીસે આવીને આ સવાલોનો જવાબ મેળવવા તપાસ શરૂ કરી હતી. પોલીસને પ્રાથમિક તપાસમાં જાણવા મળ્યું કે, આ બંને યુવકોએ રાત્રે નશો કર્યો હતો અને તેઓ ઈંટના સળગતા ભઠ્ઠા પર ઊંઘી ગયા હતા. ઈંટના ભઠ્ઠા પર ઊંઘી જવાથી તેમનું મોત થઈ ગયું હતું. પોલીસને ભઠ્ઠા પાસેથી દેશી દારૂની કોથળીઓ પણ મળી આવી છે.

પોલીસે આ બંને યુવકોના મૃતદેહ પોસ્ટમોર્ટમ માટે મોકલી આપ્યા છે સાથે જ બંને યુવકોની ઓળખ કરવાની દિશામાં કાર્યવાહી હાથ ધરી છે.

(9:04 pm IST)
  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • બાંગ્લાદેશને વેક્સિનના ૨૦ લાખ ડોઝ ભારત આપશે : ૨૦ જાન્યુઆરીએ ભારત કોવિશિલ્ડ કોરોના વેકસીનના ૨૦ લાખ ડોઝ બાંગ્લાદેશને ભેટ સ્વરૂપે આપશે તેવી જાહેરાત થઇ છે access_time 12:26 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST