Gujarati News

(દેવાભા રાઠોડ દ્વારા) પ્રભાસ પાટણ, તા.૧૭: પ્રભાસ પાટણમાં કોળી સમાજના નાકે સામુદ્રિ માતાજીનું ૫૦૦ વર્ષ પૂરાણુ મંદિર આવેલું છે આ મંદિરે માત્ર આશો શુદ અગીયારના રોજ એક નોરતામાં રમવામાં આવે છે.
આ આયોજન સામુદ્રિ માતાજી મિત્ર મંડળ દ્વારા કરવામાં આવે છે અને આ એક દિવસ ના આ નોરતા બાળકો અને યુવાનો જુદા જુદા વેશભૂષા ધારણ કરે છે અને મોટીસંખ્‍યામાં ભાઈઓ અને બહેનો પણ જોડાય છે અને મોડી રાત સુધી ગરબા રમે છે.
આ સામુદ્રિ માતાજીના મંદિરનો ઉલ્લેખ પૂરાણો અને પ્રભાસ ખંડમાં પણ કરવામાં આવેલ છે ઉત્‍સવની સાથે માતાજીની ઉપાસના પણ કરવામાં આવે છે તેમ મંદિરના પુજારી નિલેશભાઈ પંડયાએ જણાવેલ છે.