Gujarati News

મોરબીના શનાળા ગામમાં આવેલ કુવામાં ડૂબી જતા એક આધેડનું મોત થયું હતું મોરબી ફાયર ટીમે સ્થળ પર પહોંચીને મૃતદેહ કુવામાંથી બહાર કાઢ્યો હતો તો બનાવ આપઘાતનો હોવાનું પણ સુત્રો પાસેથી જાણવા મળ્યું છે
મોરબીના શનાળા ગામમાં આવેલ કુવામાં એક ૩૮ વરસના આધેડ પડી ગયા હોય જે બનાવની જાણ થતા મોરબી ફાયર ટીમના પ્રીતેશ નગવાડિયા, કાર્તિક ભટ્ટ, કુલદીપસિંહ રાણા, વસીમ મેમણ, પેથાભાઈ મોરવાડિયા, હિતેશ દવે અને વિપુલભાઈ સહિતની ટીમ દોડી ગઈ હતી અને કુવામાં ડૂબેલ વ્યક્તિને બચાવવા પ્રયત્ન હાથ ધર્યા હતા અને કલાક કરતા વધુ સમયની જહેમત ઉઠાવી હતી જોકે પાણીમાં ડૂબી જતા આધેડનું મોત થયું હતું અને મૃતદેહ જ ફાયર ટીમને હાથ લાગ્યો હતો
મૃતક હિતેશભાઈ ખીમજીભાઈ સનારીયા (ઉ.વ.૩૮) રહે શકત શનાળા વાળા હોવાનું જાણવા મળ્યું છે તો આધેડે કુવામાં ઝંપલાવી આપઘાત કર્યો હોય તેવી માહિતી પણ સ્થાનિકો પાસેથી પ્રાપ્ત થઇ હતી બનાવને પગલે મૃતદેહ પીએમ અર્થે હોસ્પિટલ ખસેડી પોલીસે બનાવની વધુ તપાસ હાથ ધરી છે.