Gujarati News

Gujarati News

News of Tuesday, 18th May 2021

રાજ્યના 2 હજાર 273 ગામમાં વીજળી ગુલ : 1958 ગામોમાં વીજળી પુન :ચાલુ કરી દેવાઈ

જામનગર, દ્વારકા પોરબંદર, વેરાવળ અને ગિરસોમનાથ સહિતના વિસ્તારમાં ૫૯૭ ફીડર ટ્રીપ: રાજકોટ ગ્રામ્યમાં ૬૭, મોરબીમાં ૭૧, પોરબંદરમાં ૪૮, જૂનાગઢમાં ૬૪, અમરેલીમાં ૧૬, સુરેન્દ્રનગરમાં ૫૪, તથા બોટાદમાં ૨૬ અને ભાવનગરમાં ૨૭ ફિડર માં ફોલ્ટ સર્જાયો

અમદાવાદ : વાવાઝોડની સ્થિતિ વચ્ચે ગુજરાત ના 2 હજાર 273 ગામમાં વીજળી ગુલ થઈ જતા અંધારપટ છવાયો છે. રાજ્ય માં લગભગ 4 હજાર 231 ગામડાઓમાં વીજળી ગુલ થઈ જતા તાત્કાલિક કામગીરી હાથ ધરીને એક હજાર 958 ગામડાઓમાં વીજ પુરવઠો પુનઃ ચાલુ કરાયો છે

જામનગર, દ્વારકા પોરબંદર, વેરાવળ અને ગિરસોમનાથ સહિતના વિસ્તારમાં ૫૯૭ ફીડર ટ્રીપ થઈ જતાં કલાકો સુધી વીજપુરવઠો ખોરવાયો હતો. જામનગર જિલ્લામાં સૌથી વધુ ૧૭૯ રાજકોટ ગ્રામ્યમાં ૬૭, મોરબીમાં ૭૧, પોરબંદરમાં ૪૮, જૂનાગઢમાં ૬૪, અમરેલીમાં ૧૬, સુરેન્દ્રનગરમાં ૫૪, તથા બોટાદમાં ૨૬ અને ભાવનગરમાં ૨૭ ફિડર માં ફોલ્ટ સર્જાયો હતો.

જ્યારે સુરેન્દ્રનગરમાં ૩૪ સાથે કુલ ૯૫ વીજપોલ તુટી ગયા છે, ભારે પવનને કારણે અમરેલી ના ૯૮ ગામોમાં અંધારપટની સ્થિતિ ઉભી થઇ છે. જયારે રાજકોટ શહેરમાં ૧૬૭ સહિત સૌરાષ્ટ્રમાં ૫૫૬ વીજફોલ્ટની ફરિયાદો આવી હતી. રાજકોટ શહેરમાં આજે જુદા જુદા વિસ્તારમાં ૧૬ ફિડરમાં ફોલ્ટ સર્જાતા અનેક વિસ્તારોમાં વીજળી વેરણ થતા લોકોએ હાલાકી ભોગવી હતી ભાવનગર જિલ્લા ના ગ્રામ્ય વિસ્તારોમાં રાત થી જ વીજળી ગુલ થઈ જતા લોકો ત્રાસી ગયા હતા કારણ કે લોકો ના મોબાઈલ માં બેટરી પુરી થઈ જતા એકબીજા સાથે વાત કરવાના સંપર્ક કપાઈ ગયા હતા.

(12:56 pm IST)
  • ગુજરાતમાં પ્રવર્તમાન વાવાઝોડા અને વરસાદ ની પરિસ્થિતિમાં આરોગ્ય તંત્ર સ્ટેન્ડબાય હોવાને અનુલક્ષી ને સમગ્ર રાજ્યમાં કોરોના રસીકરણ ની કામગીરી આવતીકાલે પણ સ્થગિત રાખવાનો નિર્ણય કરવામાં આવ્યો છે : આ કામગીરી હવે તા. 20 મે 2021 ગુરુવાર થી ફરી શરૂ કરવામાં આવશે તેમ રાજ્ય સરકારે જણાવ્યું છે. access_time 7:24 pm IST

  • બંગાળની રાજનીતિમાં જબરો ગરમાવો : પશ્ચિમ બંગાળના નારદા સ્ટિંગ કેસમાં CBI દ્વારા ધરપકડ કરાયેલા ચાર ટીએમસી નેતાઓની જામીન પર કલકત્તા હાઇકોર્ટે મોડી સાંજે રોક લગાવીને સ્ટે આપ્યો છે. હાઇકોર્ટે આ કેસમાં આગામી સુનાવણી માટે 19 મેની તારીખ નક્કી કરી છે. access_time 11:28 pm IST

  • સુરતમાં વાવાઝોડાના પવને ૨૯ વૃક્ષોનો કડુસલો બોલાવ્યો : સુરતમાં તૌકતે વાવાઝોડાની અસરરૂપે તોફાની પવન સાથે વરસાદ તૂટી પડતા સવાર સુધીમાં ૨૯ ઝાડ તૂટી પડવાનાં બનાવો બન્યા છેઃ અઠવા ઝોનમાં ૬ સ્થળોઍ; રાંદેર ઝોનમાં ૮ સ્થળોઍ; વરાછા ઝોન-ઍ માં ૨ સ્થળોઍ; કતારગામ ઝોનમાં ૨ સ્થળે; સેન્ટ્રલ ઝોનમાં ૭ સ્થળોઍ; લિંબાયત ઝોનમાં ૨ સ્થળોઍ; ઉધના ઝોનમાં ૨ સ્થળોઍ વૃક્ષો ધરાશયી થયા. ઝાડ કાપી રસ્તા ખુલ્લા કરવાની કામગીરી હાથ ધરાઈ ; વૃક્ષો નીચે દબાયેલ વાહનોને બહાર કાઢવામાં આવ્યા : કોઈ જાનહાની નથી. access_time 12:47 pm IST