Gujarati News

Gujarati News

News of Tuesday, 18th May 2021

રાજકોટના ૩૮૭ સહિત સૌરાષ્‍ટ્ર - કચ્‍છમાં ૨૫૦૦ ગામોમાં વીજ પુરવઠો ઠપ્‍પ : ૨૨૦૦ ફીડર બંધ કરવા પડયા : દોડધામ

રાજકોટ તા. ૧૮ : સૌરાષ્ટ્રમાં તૌકતે વાવાઝોડાના કહેરને કારણે અંદાજે ૨૫૦૦ થી વધુ ગામોમાં વીજ પુરવઠો ખોરવાયો તેમજ કાંઠા વિસ્‍તારમાં અમુક ગામોમાં સલામતીના કારણોસર વીજ પુરવઠો સ્‍થગિત કરવામાં આવ્‍યો.

અતિ ભારે પવન અને વરસાદને કારણે સૌરાષ્ટ્રમાં અંદાજે ૨૨૦૦ થી વધુ ફીડર બંધ પડ્‍યા. જેમાં ૬૦૦ જેટલા JGY ફીડર, ૧૪૦૦ જેટલા AG ફીડર, ૧૫૦ જેટલા અર્બન ફીડર, ૭૦ જેટલા ઈન્‍ડસ્‍ટ્રીયલ ફીડરનો સમાવેશ થાય છે.

ખેતરોમાં પાણી ભરાઈ જવાને કારણે AG ફીડર શરૂ કરવામાં પીજીવીસીએલની ટીમોને અવરોધ આવી રહ્યો છે.

અતિ ભારે પવન અને વરસાદને કારણે કુલ ૨૨૦ પોલ ડેમેજ થયેલ છે.

તીવ્ર વાવાઝોડાને કારણે સૌથી વધુ નુકસાન અમરેલી, જૂનાગઢ, ભાવનગર, બોટાદ, રાજકોટ ગ્રામ્‍ય, સુરેન્‍દ્રનગર અને જામનગર વિસ્‍તારમાં થયું છે.

 

(11:24 am IST)
  • તૌકત્તે વાવાઝોડા અસર:વલસાડ જિલ્લાના તિથલના દરિયા કિનારા સહિત જિલ્લાના 70 કિલોમીટરના દરિયાકિનારે પણ અનેક વિસ્તારોમાં તોફાની પવનને કારણે કાચા મકાનોના છાપરા ઉડયા હતા.તિથલના દરિયા કિનારે કાચા સ્ટોલના છત પણ ઉડી ગઈ હતી. અને સ્ટોલ ધારકોનો સામાન રાત્રે પણ વેરવિખેર થઈ ગયો હતો.(કાર્તિક બાવીશી ) access_time 9:55 am IST

  • ગુજરાતમાં પ્રવર્તમાન વાવાઝોડા અને વરસાદ ની પરિસ્થિતિમાં આરોગ્ય તંત્ર સ્ટેન્ડબાય હોવાને અનુલક્ષી ને સમગ્ર રાજ્યમાં કોરોના રસીકરણ ની કામગીરી આવતીકાલે પણ સ્થગિત રાખવાનો નિર્ણય કરવામાં આવ્યો છે : આ કામગીરી હવે તા. 20 મે 2021 ગુરુવાર થી ફરી શરૂ કરવામાં આવશે તેમ રાજ્ય સરકારે જણાવ્યું છે. access_time 7:24 pm IST

  • દીવ-વેરાવળમાં અનેક હોર્ડિંગ્સ જમીન દોસ્ત : જાફરાબાદમાં વીજ ટ્રાન્સફોર્મર પડ્યું છે :અત્યાર સુધીમાં 234 વીજ થાંભલા પડયા: કાચા મકાનો અને ઝૂંપડાઓને ભારે નુકસાન: દરિયાકિનારાના 34 કાચા મકાનો તૂટી પડયા છે. access_time 1:41 am IST