Gujarati News

ગોંડલ:  પાટણમાં દલિત ભાનુભાઈ દ્વારા જાત જલાવી આત્મવિલોપન કરાયાની ઘટના અને આજરોજ જીગ્નેશ મેવાણીની પોલીસ દ્વારા કરાયેલ ધરપકડના સંદર્ભે ગોંડલના કડિયા લાઈન ખટારા સ્ટેન્ડ પાસે ડૉ.બાબાસાહેબ આંબેડકરની પ્રતિમા ખાતે બહોળી સંખ્યામાં શહેર-તાલુકાના દલિત સમાજના લોકો એકઠા થયા હતા. પ્રથમ બાબાસાહેબ આંબેડકરની પ્રતિમાને ફૂલહાર ચડાવી દલિત આગેવાન દિનેશભાઈ માધડ, અનિલભાઈ માધડ, ભીખુભાઈ બગડા, જશાભાઈ રુપાવટી, દિનેશભાઇ સોલંકી, જગદીશભાઈ રાઠોડ તેમજ મનુભાઈ સાંડપા સહિતનાઓની આગેવાની દલિત સમાજના લોકોનું ટોળું આશાપુરા ચોકડી નેશનલ હાઈવે ખાતે પહોંચ્યું હતું. જ્યાં રોષે ભરાયેલા ટોળાએ ચક્કાજામ સરજી દેતા શહેર પોલીસે 25થી 30 લોકોની ધરપકડ કરી હતી.