Gujarati News

Gujarati News

News of Monday, 17th May 2021

પોરબંદરને વધુ એક એનડીઆરએફ ટીમ ફાળવી : દરિયાકાંઠે માવધપુર અને આસપાસ ગ્રામ્‍ય વિસ્‍તારની કલકેટર અને એસ.પી. એ. સૈન્‍ય સાથે મુલાકાત લીધી : લોકોને સ્‍થળાંતર કરવાની કામગીરીનું નિરીક્ષણ કર્યુ

પોરબંદર : પોરબંદરને વધુ એક એનડીઆરએફની ટીમ ફાળવાઇ છે.  પોરબંદર ના દરિયાકાંઠા થી ૧૦ કિલોમીટર વિસ્તારના કાચા અને ઝુંપડા વાળા તમામ મકાનો ખાલી કરાવાઈ રહયા છે તેમ કલેક્ટર અશોક શર્માઅે જણાવેલ છે. પોરબંદરના દરિયા કાંઠે આવેલા માધવપુર અને આસપાસના ગામોમાં સંભવિત વાવાઝોડાની નુકશાની ન થાય અને  એક પણ માણસને જાનહાનિ ન થાય તે માટે પોરબંદરના કલેકટર અશોકભાઇ શર્મા અને એસ.પી. રવી મોહન સૈનીએ માધવપુર ગામની મુલાકાત લીધી હતી.

     કલેકટર  એ જણાવ્યું હતું કે પોરબંદરનાં દરિયાકાંઠેથી ૧૦ કિલોમીટર વિસ્તારમાં ચોપડા વાળા મકાનમાં રહેતા લોકોને સ્થળાંતર કરવામાં આવી રહ્યા છે. સોળ હજાર લોકોનું સ્થળાંતર પછી પણ લોકોને સ્થળાંતર કરવામાં આવી રહ્યા છે . કુલ ૨૫ હજાર લોકોનુ સ્થળાંતર થઈ રહ્યું છે.

પોરબંદર જિલ્લામાં એનડીઆરએફની બે ટીમ આવી ગઈ છે અને એસડીઆરએફ ની ચાર ટીમઆવી ગઈ છે અને એનડીઆરએફની વધુ એક ટીમ અમદાવાદ થી પોરબંદર આવવામાં છે. એનડીઆરએફની એક ટીમ ને માધવપુર ખાતે રાખવામાં આવશે. નેવી ,આર્મી,અને કોસ્ટગાર્ડ સાથે પણ જિલ્લા વહીવટી તંત્ર દ્વારા સંકલન કરીને રાહત બચાવની કામગીરીનું આયોજન કરાયું છે.

(9:54 pm IST)
  • તૌકટે વાવાઝોડું વધુ તીવ્ર બની સવારે ૮ વાગે મુંબઈના દરિયામાંથી આગળ વધી ગયું છે અને સૌરાષ્ટ્ર તરફ ધસમસી રહ્યું છે. વાવાઝોડાની સ્થિતિ દર્શાવતી લેટેસ્ટ તસવીર. access_time 11:30 am IST

  • દક્ષિણ મુંબઈના લગભગ તમામ વિસ્તારોમાં સવારથી જ ભારે વરસાદ પડી રહ્યો છે. વાવાઝોડાની અસર આસપાસના જિલ્લાઓમાં પણ જોવા મળી રહી છે. અરબી સમુદ્રમાંથી ચક્રવાત 'તાઉ તે' નો ખતરો ગુજરાત, મહારાષ્ટ્ર અને કર્ણાટક સહિત 7 રાજ્યો પર યથાવત છે. 5 રાજ્યોમાં અત્યાર સુધી 11 લોકોનાં મોત નીપજ્યાં છે. વાવાઝોડાના કારણે મહારાષ્ટ્રમાં મુંબઇ સહિતના દરિયાકાંઠાના વિસ્તારોના ઘણા જિલ્લાઓમાં વેક્સિનેશન બંધ કરવું પડ્યું છે. અહીં મુંબઇ સહીત ઘણા શહેરોમાં એલર્ટ જાહેર છે. મંગળવારે સવારે વાવાઝોડું પોરબંદર અને મહુવા (ભાવનગર)ની વચ્ચે ગુજરાત કાંઠે ટકરાશે. આ દરમિયાન વાવાઝોડાગતિ પ્રતિ કલાક 185 કિલોમીટર સુધી હોઇ શકે છે. access_time 5:28 pm IST

  • વાવાઝોડા- ભારે વરસાદની આગાહી સંદર્ભે આજી નદી કાંઠે રેડ એલર્ટ : રાજકોટમાં નદી કાંઠાના જંગલેશ્વર-બેડીપરા-રામનાથપરા વિસ્તારમાં માઇક દ્વારા લોકોને સાવચેત રહેવા ચેતવણી અપાઇઃ નદીના પટ્ટમાં અવર-જવર પર પ્રતિબંધઃ જરૂર પડે ૭૦૦ થી ૮૦૦નાં સ્થળાંતર માટે રેસ્કયુ સેન્ટર તૈયાર રખાયાઃ રબ્બર બોટ, દોરડા, ટયુબ સહિતનાં સાધનો સાથે રેસ્કયુ ટીમો તૈનાત access_time 12:15 pm IST