Gujarati News

પોરબંદર, તા.૧૭: પોરબંદરના ઘેડ પંથકના ભડ ગામે ગલી મિત્રોને ગામમાંથી દારૂ ન મળતા નશાયુકત કેમીકલ લઇ આવીને મોજ માણતા ત્રણેયની હાલત લથડી હતી.ઉલટી અને ચકકર આવતા સારવાર માટે સરકારી હોસ્પિટલે ખસેડાયેલ જયાં ૨ મિત્રોનું સારવાર દરમિયાન મોત અને ત્રીજા મિત્રને સારવાર બાદ બચી ગયેલ છે. હોસ્પિટલમાંથી રજા આપવામાં આવી.

ભડ (ઘેડ)માં ભોજા નગા બારડ, હમીર પરબત બારડ તથા રામા જેઠા બાટા ત્રણેય મિત્રોને દારૂ ન મળતાં નશાયુકત કેમીકલ મંગાવીને પીને મોજ માણતા ત્રણેયની હાલત લથડી હતી. અને સારવાર માટે સરકારી હોસ્પિટલે ખસેડાતા સારવારમાં ભોજા નગા અને રામા જેઠા બારડ બંનેના મોત નીપજયા હતા. ત્રીજા મીત્ર હમીર પરબત બારડની સારવાર ચાલી રહેલ છે. સ્થિતિ સાધારણ છે. નવી બંદર પોલીસ સ્ટેશનના પીએસઆઇ ગઢવીએ વધુ તપાસ હાથ ધરી છે.