Gujarati News

ભુજ, તા. ૧૭: દુષ્કાળ અને અછતના આ કપરા સમયમાં કચ્છમાં ૪૫૬ ઢોરવાડા માં ૨.૭૦ લાખ પશુઓ જયારે ૧૫૪ પાંજરાપોળ અને ગૌશાળામાં ૧.૩૦ લાખ પશુઓને આશરો આપીને નિભાવ કરાઈ રહ્યો છે. દરમ્યાન તંત્ર દ્વારા રાજય તેમ જ જિલ્લા સ્તરે વિજિલન્સ ચેકીંગ કરાય છે. અત્યાર સુધીમાં ૪૭ ઢોરવાડાઓનું ચેકીંગ કરાયું છે. જે પૈકી ૪ ઢોરવાડામાં ગેરરીતિ નજરે પડતા કારણદર્શક નોટિસ પાઠવીને ખુલાસો પૂછવામાં આવ્યો છે. (૧) વેકરા પશુ રક્ષણ ટ્રસ્ટ (વેકરા ગામ) (૨) સરદાર વિકાસ ટ્રસ્ટ (ધ્રોબાણા-ખાવડા) (૩) હાજીપીર ગૌશાળા (વંગ-નખત્રાણા) (૪) ઇમરાન મેડી.એજયુ. ચેરી. ટ્રસ્ટ (કોટડા-નખત્રાણા) એ ચાર સંસ્થાઓને ખુલાસો પૂછવામાં આવ્યો હોવાનું કચ્છ જિલ્લા અછત શાખા દ્વારા જણાવવામાં આવ્યું છે.