Gujarati News

(કિશોર રાઠોડ દ્વારા) ધોરાજી:   કોંગ્રેસના ગઢ ગણાતા ધોરાજી મા જિલ્લા પંચાયતના પૂર્વ ઉપાધ્યક્ષ અને કોંગ્રેસના નેતા સુભાષભાઈ માકડીયા કોંગ્રેસ છોડી પોતાના સમર્થકો સાથે ભાજપમાં જોડાયા હતા

રાજકોટ જિલ્લા ભાજપના પ્રમુખ મનસુખભાઇ ખાચરીયા ની જેતપુર ખાતે ઓફિસમાં કોંગ્રેસના નેતા ભાજપમાં જોડાતા રાજકીય ગરમાવો વ્યાપી ગયો છે.

તાજેતરમાં જ જિલ્લા કોંગ્રેસના મહામંત્રી વિઠ્ઠલભાઈ હિરપરા ભાજપમાં મોટી સંખ્યાના કાર્યકર્તાઓ સાથે જોડાયા બાદ કોંગ્રેસને અને ખાસ કરીને લલિત વસોયા ને બીજો ફટકો તેમની ફોજ માં પડ્યો છે હાલમાં તાલુકા પંચાયત જિલ્લા પંચાયતની ચૂંટણીના સમયમાં જ તાલુકાના દિગ્ગજ ગણાતા નેતાઓ ભાજપમાં પ્રવેશ કરતા કોંગ્રેસના ગઢમાં ગાબડું પડ્યું હોય તેવો માહોલ સર્જાયો છે

સુભાષભાઈ માકડીયા સાથે અતુલભાઇ ઝાલાવાડીયા સહિતના અનેક કાર્યકર્તાઓ સાથે રહ્યા હતા આ સાથે ધોરાજી ભાજપ કાર્યાલય મંત્રી વિઠ્ઠલભાઈ હિરપરા એ પણ સુભાષભાઈ અને તેમની ટીમને અભિનંદન પાઠવ્યા હતા

રાજકોટ જિલ્લા ભાજપના પ્રમુખ મનસુખભાઈ ખાચરિયા એ જણાવેલ કે હાલમાં તાલુકા પંચાયત જિલ્લા પંચાયતની ચૂંટણીના સંદર્ભમાં મોટી સંખ્યામાં કોંગ્રેસના કાર્યકર્તાઓ પણ ભાજપને સમર્થન આપી રહ્યા છે

આવા સમયે રાજકોટ જિલ્લા ભાજપ પ્રમુખ મનસુખભાઇ ખાચરિયા એ  કોંગ્રેસમાંથી આવેલા સુભાષભાઈ માકડીયા અને તેમની ટીમને અભિનંદન પાઠવ્યા હતા અને રાજકોટ જિલ્લા પંચાયત તેમજ તાલુકા પંચાયત ની અંદર ભાજપનો ભગવો લહેરાશે તેવી આશા વ્યક્ત કરી હતી