Gujarati News

Gujarati News

News of Wednesday, 17th February 2021

પડવલામાં યુપીના દિલીપની હવસખોરીઃ ૭ વર્ષના ટેણીયાને મુંગો દઇ ઉઠાવી જઇ સૃષ્ટિ વિરૂધ્ધનું કૃત્ય

ઢગા વિરૂધ્ધ પોકસો સહિતની કલમો હેઠળ શાપર પોલીસની કાર્યવાહીઃ સકંજામાં લેવાયોઃ બાળક રાજકોટમાં સારવાર હેઠળ : ૧૦ વર્ષના મોટા ભાઇ સાથે મોબાઇલમાં ગેમ રમતો'તો ત્યારે તેની નજર સામે જ ઉઠાવી જવાયોઃ ટાબરીયાએ મમ્મીને જાણ કરતાં શોધખોળ આદરી ત્યાં દિકરો રડતો રડતો લોહી નીકળતી હાલતમાં મળ્યો

રાજકોટ તા. ૧૬: શાપર વેરાવળના પડવલામાં રહી કંપનીમાં મજૂરી કરતાં મુળ યુપી અલ્હાબાદના ૨૦-૨૨ વર્ષના ઢગા દિલીપે નેપાળી પરિવારના ૭ વર્ષના દિકરાને તે તેના ૧૦ વર્ષના ભાઇ સાથે રૂમ નજીક મોબાઇલમાં ગેમ રમતો હતો ત્યારે મોઢે મુંગો દઇ ઉઠાવી જઇ કંપનીની ઓફિસમાં લઇ જઇ સૃષ્ટિ વિરૂધ્ધનું કૃત્ય આચરી લોહીલુહાણ કરી નાંખતાં ચકચાર મચી ગઇ છે. શાપર પોલીસે હવસખોરને સકંજામાં લઇ આઇપીસી ૩૬૩, ૩૭૭, પોકસો હેઠળ ગુનો નોંધવા તજવીજ હાથ ધરી છે.

ભોગ બનનાર ટેણીયાના પિતાએ કહ્યું હતું કે મારે કંપનીમાં નાઇટ ડ્યુટી હતી. જેથી હું નોકરીએ હતો. મારા પત્નિ અને બે પુત્રો રૂમ પર હતાં. રાતે નવેક વાગ્યે મારા ૧૦ અને ૭ વર્ષના બંને પુત્રો રૂમ બહાર મોબાઇલ ફોનમાં ગેમ રમતાં હતાં ત્યારે મુળ યુપીનો દિલીપ નામનો શખ્સ મારા ૭ વર્ષના દિકરાને મોઢે મુંગો દઇ ઉઠાવીને ભાગ્યો હતો.

આથી મારા ૧૦ વર્ષના દિકરાએ તુરત દોડી જઇ તેની મમ્મીને વાત કરી હતી કે ભાઇને દિલીપ લઇ ગયો છે. જેથી મારી પત્નિએ બૂમાબૂમ કરી શોધખોળ આદરી હતી. પરંતુ દિકરો કે દિલીપ મળ્યા નહોતાં. થોડી વાર બાદ મારો દિકરો ખુબ રડતો રડતો આવ્યો હતો અને તેના ગુદ્દા માર્ગેથી લોહી નીકળતાં હોઇ તેને પુછતાં તેણે પોતાની સાથે દિલીપે ખરાબ કર્યાનું કહ્યું હતું. એ પછી લોકોએ ભેગા થઇ ગયા હતાં અને મારા દિકરાને રાજકોટ સારવાર માટે ખસેડ્યો હતો અને શાપરથી પોલીસ ફરિયાદ નોંધવા આવી હતી.

પીએસઆઇ કુલદીપસિંહ ગોહિલ અને સ્ટાફે આ બનાવમાં ત્વરીત તપાસ કરી હવસખોર દિલીપને દબોચી લઇ પુછતાછ હાથ ધરી છે. તે મુળ અલ્હાબાદનો છે અને કારખાનામાં કામ કરે છે.

(12:05 pm IST)
  • હવે યમુના નદીને કલીન કરીશુ : આપ : કોરોનાનું માથું ભાંગ્યા પછી : પાટનગરમાં શાસન કરી રહેલ કેજરીવાલ સરકારના આરોગ્ય મંત્રી શ્રી સત્યેન્દ્ર જૈને કહ્યુ કે દિલ્હીમાં કોરોનાને પરાજય આપ્યા બાદ હવે આગામી ૩ વર્ષમાં દિલ્હી સરકારનું ધ્યેય યમુના નદીને 'કલીન' કરવાનું રહેશે. access_time 2:52 pm IST

  • પંજાબ મ્યુનિ.ચૂંટણીઓમાં કોંગ્રેસ અને અકાલીદળ આગળ : આમ આદમી પાર્ટી પણ અમુક જગ્યાએ લીડમાં : ભાજપને ખેડૂત આંદોલન નડ્યું : ભાજપના મહારથીઓ હાર્યા : અનેક શહેરોના વોર્ડમાં ઓછી સીટ મળી : કોંગ્રેસ અને અકાલી દળના વિજેતા ઉમેદવારોના વિજય સરઘસ શરૂ access_time 12:35 pm IST

  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST