Gujarati News

સુરેન્દ્રનગરઃ જિલ્લાના લીંબડીથી હડાળા જવાનો રસ્તો છેલ્લા ઘણા સમયથી બિસ્માર હાલતમાં અને ચાલવાલાયક ન હોવાના મુદ્દે ક્રાંતિ સંસ્થા દ્વારા કલેકટરને આવેદનપત્ર આપવામાં આવ્યું હતું.

આ રસ્તા પરથી ઉંટડી, ચોકી,ખંભલાવ,ત્રાડીયા, પાણશીણા, ભોજપરા, દેવપરા,આણંદપર, કમાલપુર, હડાળા સહિતના ગામોની કુલ એક લાખથી પણ વધુની વસ્તી આવન-જાવન કરે છે. જો કે આ રસ્તો અત્યંત ખરાબ હોવાથી લોકોને પારાવાર મુશ્કેલીઓનો સામનો કરવો પડી રહ્યો છે.

અભ્યાસ માટે અપ ડાઉન કરતા વિદ્યાર્થીઓ તેમજ મેડીકલ ઇમરજન્સી વખતે લોકોની હાલત કફોડી બની જાય છે. ત્યારે આ રસ્તાને ઝડપથી રીપેર કરવામાં આવે અથવા તો નવેસરથી બનાવવામાં આવે તેવી માંગ ક્રાંતિ સંસ્થાના ભરતસિંહ ઝાલાએ કરી છે.(૧.૫)