Gujarati News

હળવદ,તા.૧૬: હળવદ તાલુકાના અજીતગઢ ગામે આવેલ જુદા-જુદા ત્રણ માતાજીના મઢમાં ચોરી થયાની લક્ષ્મણભાઈ પોપટભાઈ પાટડિયા એ હળવદ પોલીસ મથકમાં અજાણ્યા શખ્સો વિરુદ્ઘ ફરિયાદ નોંધાવી છે જેમાં ચાંદીના બાર છતર તથા એક ચાંદીનું ફણુ તેમજ એક સોનાનું છતર મળી કુલ રૂપિયા ૧.૬૫ લાખની મતાની ચોરી થઈ હોવાનું જણાવ્યું છે

અત્રે ઉલ્લેખનીય છે કે ચાર દિવસ પહેલા શહેરમાં આવેલ ગિરનારી નગર માં રૂપિયા ૧૪ લાખના સોનાની ચોરી થયાની હળવદ પોલીસ મથકે ફરિયાદ નોંધાઈ હતી જે આરોપીઓને હજુ પોલીસ દ્વારા ઝડપી પણ નથી લેવાયા ત્યારે વધુ એક ચોરીનો બનાવ તાલુકાના અજીતગઢ ગામે પ્રકાશમાં આવતા પોલીસ દોડતી થઈ ગઈ છે સૂત્રોના જણાવ્યા મુજબ હાલ પોલીસ દ્વારા જુદી જુદી ટીમો બનાવી તાજેતરમાં થયેલ બંને ચોરીનો ભેદ ઉકેલવા તસ્કરોને ઝડપી પાડવા ટીમો બનાવી કાર્યવાહી હાથ ધરવામાં આવી હોવાનું જાણવા મળ્યું છ.