Gujarati News

મોરબીના ચકચારી પોક્સો અને દુષ્કર્મના કેસમાં આજે સ્પેશ્યલ પોક્સો કોર્ટે મહત્વપૂર્ણ ચુકાદો આપતા ગુનામાં સંડોવાયેલ ત્રણેય આરોપીને કસુરવાન ઠેરવીને સાત વર્ષથી વીસ વર્ષ સુધીની સખ્ત કેદની સજા ફટકારી છે અને ભોગ બનનારને વળતર ચુકવવા માટે આદેશ કરવામાં આવ્યો છે

જે કેસની હકીકત જોઈએ તો મોરબીની રહેવાસી ૧૫ વર્ષ ૦૪ માસની સગીરાને એક ઇસમેં ફેક ઇનસ્ટાગ્રામ આઈડી બનાવી પ્રેમજાળમાં ફસાવી રૂપિયાની માંગણી કરી હતી અને બીભત્સ ફોટો મેળવી બ્લેકમેલ કરી હતી તેમજ અન્ય બે આરોપીઓએ પણ મુખ મૈથુન કરાવી વિડીયો બનાવી ધમકી આપી અલગ અલગ સ્થળે લઇ જઈને દુષ્કૃત્ય આચરી રૂપિયા પડાવ્યા હતા અને દુષ્કર્મ આચર્યું હતું જે બનાવને પગલે ગત તા. ૦૭-૦૫-૨૦૨૨ ના રોજ પોલીસે ફરિયાદ નોંધી આરોપી મિત ચંદુભાઈ શીરોહિયા (રહે મોરબી સો ઓરડી શેરી નં ૦૧, )આર્યન શબ્બીર વલી સોલંકી (રહે વિસીપરા મદીના સોસાયટી મોરબી) અને હર્ષ ઉર્ફે જીગો કાંતિભાઈ સાણંદીયા( રહે રાજનગર લીમડા ચોક પંચાસર રોડ મોરબી) એમ ત્રણ ઇસમોને ઝડપી લઈને રિમાન્ડ મેળવી સઘન પૂછપરછ કરી હતી તેમજ પોલીસે ગુનામાં વપરાયેલ મોબાઈલ સહિતનો મુદામાલ જપ્ત કર્યો હતો
જે ગુનામાં આરોપીઓ વિરુદ્ધ ગુનાની એફ.આઈ.આર ઉપરાંત ભોગ બનનાર સાથે મુખ મૈથુન કરેલ તે સ્થળનું ડેમોસ્ટ્રેશન પંચનામું, બનાવમાં ઉપયોગ કરેલ મોબાઈલ કબજે કર્યાનું પંચનામું, બનાવમાં વાપરવામાં આવેલ અલ્ટો કાર કબજે કર્યાનું પંચનામું સહિતના પુરાવા એકત્ર કરવામાં આવ્યા હતા અને પોલીસે કોર્ટમાં ચાર્જશીટ રજુ કરી હોય જે કેસ ડી પી મહીડા સાહેબની કોર્ટમાં સ્પેશ્યલ પોક્સો કોર્ટ મોરબીમાં ચાલી જતા મદદનીશ સરકારી વકીલ સંજયભાઈ સી દવેએ કોર્ટમાં ૨૧ મૌખિક પુરાવા અને ૪૫ દસ્તાવેજી પુરાવા રજુ કર્યા હતા જેને ધ્યાને લઈને સ્પેશ્યલ પોક્સો કોર્ટે ત્રણેય આરોપીઓને કસુરવાન ઠેરવ્યા હતા
જે ગુનામાં કસુરવાન ઠરેલા આરોપી મિત ચંદુભાઈ સીરોહિયાને જાતીય ગુણોથી બાળકોના રક્ષણ અધિનિયમ ૨૦૧૨ ની લ્ક્મ ૩ (એ), ૪ માં ૭ વર્ષની સખ્ત કેદની સજા અને રૂ ૧૦,૦૦૦ દંડ અને દંડ ભરવામાં નિષ્ફળ જાય તો ૬ માસની સખ્ત કેદની સજા તેમજ પોક્સો એક્ટની લ્ક્મ ૧૨ માં ત્રણ વર્ષની સખ્ત કેદની સજા અને દંડ રૂ ૫૦૦૦ અને દંડ ભરવામાં નિષ્ફળ જાય તો વધુ ત્રણ માસની સજા ફટકારી છે જયારે આરોપી હર્ષ ઉર્ફે જીગો કાંતિભાઈ સાણંદીયાને પોક્સો એક્ટની લ્ક્મ ૩ (એ) ૪ માં ૧૦ વર્ષની સખ્ત કેદની સજા અને રૂ ૧૫,૦૦૦ દંડ અને દંડ ભરવામાં નિષ્ફળ જાય તો ૯ માસની સજા ફટકારી છે
જયારે આર્યન શબ્બીર સોલંકીને આઈપીસી કલમ ૩૭૬ (૨) (જે), ૩૭૬ (૩) ની સાથે પોક્સો એક્ટની કલમ ૩ (એ) ૪ માં ૨૦ વર્ષની સખ્ત કેદની સજા અને રૂ ૨૦,૦૦૦ નો દંડ અને દંડ ભરવામાં નિષ્ફળ જાય તો ૧ વર્ષની સખ્ત કેદની સજા ફટકારવામાં આવી છે.