Gujarati News

રાજકોટ તા. ૧૬ : જૂનાગઢ પુષ્ટી સંપ્રદાયના પૂ.પા.ગૌસ્વામી આચાર્યશ્રી શ્રી વિઠ્ઠલનાથજીની તબિયત અચાનક લથડતા રાજકોટની સ્ટર્લીંગ હોસ્પિટલ ખાતે ગંભીર હાલતમાં ઘનિષ્ઠ સારવાર આપવામાં આવી રહી છે. પૂ.પા. ગૌસ્વામી આચાર્યશ્રી શ્રી વિઠ્ઠલનાથજીની તબિયતને લઇ વૈષ્ણવ સંપ્રદાયમાં ચિંતા પ્રસરી છે.

પુષ્ટી સંપ્રદાયના પૂ.પા. ગૌસ્વામીશ્રી આચાર્યશ્રી વિઠ્ઠલનાથજી મંગળવારે જૂનાગઢ ખાતે હવેલીમાં તેમના નિવાસસ્થાને હતા ત્યારે આચાનક તબિયત લથડી હતી. શ્રી વિઠ્ઠલનાથજીને બેસુધ્ધ હાલતમાં સ્ટર્લીંગ હોસ્પિટલ રાજકોટ ખાતે ખસેડયા હતા ત્યાં ન્યુરોસર્જન ડો. સંજય ટીલાળા અને ડો. ચિરાગ માત્રાવાડીયાએ ઘનિષ્ઠ સારવાર આપી રહ્યા છે.

સ્ટર્લિંગ હોસ્પિટલના ડો. ચિરાગ માત્રાવાડીયાએ જણાવ્યું છે કે, શ્રી શ્રી વિઠ્ઠલનાથજીની તબિયત ગંભીર છે. તેમને બ્રેઇન હેમરેજ થયું છે. આઇસીયુમાં સારવાર હેઠળ છે.(૨૧.૧૫)