Gujarati News

 જામનગરઃ આજરોજ ટાઉનહોલ ખાતે કમિશનરશ્રી સતીશ પટેલ દ્વારા જામનગરની સરકારી પ્રાથમિક શાળાઓ, ખાનગી શાળાઓ, કોલેજોના શિક્ષકો સાથે ડેન્‍ગ્‍યુ અટકાયત માટે જાગૃતિલક્ષી પરિસંવાદ યોજાયો હતો. આ પરિસંવાદમાં શિક્ષકો સાથે તંત્ર દ્વારા શહેર અને જિલ્લા કક્ષાએ કરવામાં આવતી ડેન્‍ગ્‍યુ અટકાયતની કામગીરીની વિગતોની ચર્ચા કરવામાં આવી હતી તેમજ ડેન્‍ગ્‍યુ નાબુદી જન-અભિયાનમાં શિક્ષકો દ્વારા શાળાઓમાં બાળકોને જાગૃત કરી ડેન્‍ગ્‍યુ વિરોધી ‘બાળ સૈનિકો'પરિવારના વડીલો ને પણ આ અભિયાનમાં જોડે તે માટે કમિશનરશ્રી દ્વારા અપીલ કરવામાં આવી હતી. આ પરિસંવાદમાં જિલ્લા આરોગ્‍ય અધિકારીશ્રી ડો. બથવાર, મહાનગરપાલિકાના અને જિલ્લા પંચાયતના આરોગ્‍ય કર્મીઓ તેમજ બહોળી સંખ્‍યામાં શિક્ષકગણ ઉપસ્‍થિત રહ્યા હતા. તે પ્રસંગની તસ્‍વીર.