Gujarati News

મોરબીની અવની ચોકડીએ ચોમાસાના વરસાદ દરમિયાન પાણીનો ભરાવો થતા લત્તાવાસીઓ વિફર્યા હતા અને તાકીદે ઉકેલની માંગ કરવામાં આવી હતી જેના પગલે આજે નગરપાલિકા તંત્ર દ્વારા દબાણ હટાવો કામગીરી શરુ કરવામાં આવી હતી

અવની ચોકડી નજીક મેઘાણી સ્કૂલ પાસે આજે નગરપાલિકા કચેરી દ્વારા દબાણ હટાવવાની કામગીરી કરવામાં આવી હતી જેમાં ત્રણથી ચાર ખેતરમાં બાવળ કટિંગ કરવામાં આવ્યા હતા જ્યાં પાણીનો ભરાવો થતો હોય છે તેવા સ્થળેથી બાવળ કટિંગ કરવા ઉપરાંત દબાણો હટાવવામાં આવ્યા હતા તો પાકા બાંધકામ મામલે નોટીસ ફટકારવામાં આવશે

વધુમાં પાલિકાના હિતેશભાઈ રવેશિયાએ જણાવ્યું હતું કે વિસ્તારમાં રોડ બનાવવાની તેમજ રોડ લેવલીંગ કામગીરી કરવામાં આવનાર છે જે પૂર્વે નડતરરૂપ બાવળ સહિતના દબાણ હટાવ્યા હતા અને રોડ લેવલીંગ થયા બાદ પાણી ભરાવવાનો પ્રશ્ન રહેશે નહિ