Gujarati News

રાજકોટ તા.૧૪: સ્વાસંત્રતા દિવસના એક દિવસ પૂર્વે દેશના પોલીસકર્મીઓને પોલીસ મેડેલ આપવાની જાહેરાત થઇ છે. જેમાં ગુજરાતના ૧૩ પોલીસકર્મીઓ છે. જેમાં ગાંધીધામના ડીએસપી સબ્બીર અલી સૈયદ કાઝી, સીઆઇડી ડીન્ટેલીજન્સના પીઆઇ શૈલેષ રાવલને રાષ્ટ્રપતિ મેડલથી સન્માનિત કરાશે.

આ ઉપરાંત અન્ય ૧૨ પોલીસકર્મીઓને પણ પોલીસ મેડલથી સન્માનિત કરવામાં આવશે. આણંદ પેટલાદના ડીવાયએસપી રજનીકાંત સોલંકીને પોલીસ મેડલ એનાયત કરાશે.

આ ઉપરાંત ટ્રાફિક પોલીસ બીડિવિઝનના આસિ. કમિશનર ઓફ પોલીસ આકાશ પટેલ, પિયુષ પિરોજિયા, પ્રતિપાલસિંહ ઝાલા, મુકેશચંદ્ર પટેલ, નરેશ કુમાર સુથાર, લલિત કુમાર મકવાણા, પ્રતાપજી ચૌહાણ, સત્યાપાલસિંહ તોમર, ચેતનસિંહ રાઠોડને પોલીસ મેડલથી સન્માનિત કરાશે.