Gujarati News

જસદણ તા. ૧૫ :બ્રિગેડિયર મોહમ્મદ ઉસ્માનનો જન્મ હાલના ઉત્ત્।ર પ્રદેશના માઉ જિલ્લાના બીબીપુરમાં ૧૫ જુલાઈ, ૧૯૧૨ ના રોજ થયો હતો. એક પોલીસ અધિકારીઙ્ગ મોહમ્મદ ફારૂક ખુનામબીર અને શ્રીમતી જામિલન બીબીના પુત્ર હતા.ઙ્ગ ઉસ્માન જયારે ૧૨ વર્ષની ઉંમરે ડૂબતા બાળકને બચાવવા કૂવામાં કૂદી ગયા ત્યાંરથી તેનામાં હિંમતઙ્ગ આવી ગઈ હતી. તેના પિતા ઇચ્છતા હતા કે તેઓ સિવિલ સર્વિસમાં જોડાય , પરંતુ તેમનું લક્ષ્ય આર્મીમાં જોડાવાનું હતું. બ્રિગેડિયર મોહમ્મદ ઉસ્માનને 'ઉસ્માન મોહમ્મદ' તરીકે પણ ઓળખવામાં આવે છે. તે ભારતીય સૈન્યના ઉચ્ચતમ રેન્કિંગ અધિકારી હતા. તેમણે ૧૯૩૨ માં રોયલ મિલિટરી એકેડેમી સેન્ડહર્સ્ટ (આરએમએએસ) માં પ્રવેશ કર્યો અને તેઓ સેકન્ડ લેફ્ટનન્ટ તરીકે પસંદ થયા અને ૧ ફેબ્રુઆરી ૧૯૩૪ ના રોજ ભારતીય સૈન્યમાંઙ્ગ નિમણૂક થયા. ઉસ્માનને ૩૦ એપ્રિલ ૧૯૩૬ ના રોજ લેફ્ટનન્ટ અને ૩૧ ઓગસ્ટ ૧૯૪૧ ના રોજ કેપ્ટન તરીકે બઢતી આપવામાં આવી હતી. એપ્રિલ ૧૯૪૪ સુધીમાં, તેઓઙ્ગ મેજર હતા. તેમણે બર્મામાં સેવા આપી હતી અને ૨૭ સપ્ટેમ્બર ૧૯૪૫ માં લંડન ગેઝેટમાં મેજર તરીકે તેનો ઉલ્લેખ કરવામાં આવ્યો હતો. તેમણે એપ્રિલ ૧૯૪૫ થી એપ્રિલ ૧૯૪૬ દરમિયાન ૧૦ મી બાલુચ રેજિમેન્ટની ૧૪ મી બટાલિયનનો હોદો સંભાળ્યો હતો. જાન્યુઆરી-ફેબ્રુઆરી ૧૯૪૮ માં ઉસ્માનેઙ્ગ જમ્મુ કાશમીરના નૌશેરા પર ઉગ્ર હુમલાઓનો વિરોધ કર્યો. અતિશય અવરોધો અને સંખ્યાઓ સામે નૌશેરાના બચાવ દરમિયાન, ભારતીય દળોએ પાકિસ્તાની સૈનિકોની લગભગ ૨૦૦૦ જેટલી જાનહાની કરી હતી. તેના બચાવથી તેમને 'નૌશેરાનો સિંહ' ઉપનામ પણ મળ્યું હતું. ૩ જુલાઈ, ૧૯૪૮ ના રોજ ઝાંગર વિસ્તારના સંરક્ષણ દરમિયાનઙ્ગ ઉસ્માન દુશ્મનનાઙ્ગ ના શેલથી શહિદ થઈ ગયો. ઉસ્માનના અંતિમ સંસ્કારમાં ભારતના વડા પ્રધાન જવાહરલાલ નેહરુ અને તેમના મંત્રીમંડળના સાથીઓ હાજર રહ્યા હતા. તેમને એક સમ્માનજનક શહીદ તરીકેના અંતિમ સંસ્કાર આપવામાં આવ્યા હતા. પાછળથી તેમને તેમના શૌર્ય માટે 'મહાવીરચક્ર' નું સન્માન આપવામાં આવ્યું હતું . ઉસ્માન ભારતના 'સમાવિષ્ટ ધર્મનિરપેક્ષતા' નું પ્રતીક બન્યા. ભારતના ભાગલા વખતે તેણે ઘણા અન્ય મુસ્લિમ અધિકારીઓ સાથે પાકિસ્તાન સૈન્યમાં જવાનો ઇનકાર કર્યો અને ભારતીય સૈન્ય સાથે સેવા આપવાનું ચાલુ રાખ્યું હતું. બ્રિગેડિયર ઉસ્માનની બહાદુરીનુંઙ્ગ ઉદાહરણ 'મુકત ભારત' માટે પ્રેરણારૂપ સ્રોત હશે.