Gujarati News

Gujarati News

News of Sunday, 15th July 2018

મહુવા-ભાવનગર કોસ્ટલ હાઇવે બંધ: ભાદ્રોડી અને બગડ નદીઓ બની તોફાની : સમગ્ર ગામમાં અંધારપટ: ભાદ્રોડનો બ્રિજ બંધ

ગામની ચણાયેલા દીવાલને પાર કરીને પાણી ગામમાં ઘુસ્યા:બગદાણાના બગડેશ્વર મહાદેવનું મંદિર ડૂબ્યું

ભાવનગર જિલ્લામાં અનરાધાર વરસાદ વરસ્યો છે  જિલ્લાની મોટા ભાગની નદીઓ બે કાંઠે વહી રહી છે.ઓઝત-2 ડેમ ઓવરફ્લો થવાનાં કારણે બગડ નદી બે કાંઠે વહી રહી છે.બીજી તરફ ભાદ્રોડી નદી પણ ગાંડીતુર બનીને વહી રહી છે. 

   બગડ ડેમનાં કારણે નિષ્ક્રિય થઇ ચુકેલી ભાદ્રોડી નદીમાં છેલ્લા 30 વર્ષમાં ન આવ્યું હોય તેટલું પાણી આવ્યું છે. ભાદ્રોડ ગ્રામ્ય વિસ્તારમાં પાણી ફરી વળ્યું છે. ગામના રક્ષણ માટે ચણાયેલા કોટ (દિવાલ)ને પાર કરીને પાણી ગામમાં ઘુસી ચુક્યું છે બગડ નદીમાં પણ ઘોડાપુર આવ્યું છે. સુપ્રસિદ્ધ યાત્રાધામ ગણાતા બગદાણાના બગડેશ્વર મહાદેવનું મંદિર ડુબમાં છે.

(11:17 pm IST)
  • મુખ્યમંત્રી વિજયભાઈ રૂપાણીએ ભગવાન જગન્નાથની ૧૪૧મી રથયાત્રા અમદાવાદમાં શાંતિ અને સૌહાર્દપૂર્ણ માહોલમાં સમાજ ઉત્સવ તરીકે સફળતાપૂર્વક યોજાઈ તે માટે સૌ નાગરિકોનો આભાર વ્યક્ત કર્યો હતો : સમગ્ર રથ યાત્રા દરમ્યાન રાજ્ય પોલીસતંત્રએ સતર્કતા અને સજ્જતાથી જે પ્રશંસનીય ફરજો અદા કરી તે માટે મુખ્યમંત્રી વિજયભાઈએ અભિનંદન પાઠવ્યા હતા. access_time 11:58 am IST

  • તામિલનાડુના રાજકારણમાં ડગ ભરવા જઈ રહેલા રજનીકાંતે પીએમ મોદીનું સમર્થન કર્યુ છે. 'વન ઈન્ડિયા વન ઈલેક્શન'ના મુદ્દે રજનીકાંતે કેન્દ્રનું સમર્થન કર્યું છે. ચેન્નાઈમાં મીડિયા સાથે વાતચીત દરમિયાન રજનીકાંતે કહ્યું કે વન ઈન્ડિયા વન ઈલેક્શનનો વિચાર સારો છે, તેનાથી સમય અને પાર્ટીઓનો પૈસા પણ બચશે. access_time 1:19 am IST

  • જારખંડના મધર ટેરેસા મિશનરી ઓફ ચેરિટીજની ધરપકડ કરાયેલ સિસ્ટર કંસોલિયાએ કબૂલ કરી લીધુ છે કે તેને ચેરિટીના બાળ આશ્રમમાંથી ત્રણ બાળકોને પૈસા લઈને વેચી માર્યા હતા. તે ઉપરાંત તેને જણાવ્યું હતું કે, એક બાળક તો પૈસા લીધા વગર જ કોઈને આપી દીધું હતું. આ વચ્ચે પોલીસની પૂછપરછનો એક વીડિયો પણ સોશિયલ મીડિયાના માધ્યમથી સામે આવ્યો છે, જેમાં સિસ્ટર પોતાનો ગુનો કબૂલ કરી રહી છે. જ્યારે આના વિરૂદ્ધ મિશનરીના બિસપ આ મામલામાં સિસ્ટર નિર્દોષ હોવાનું કહી રહ્યાં છે. access_time 11:21 am IST