Gujarati News

Gujarati News

News of Saturday, 15th May 2021

ધોરાજીમાં વોર્ડ નંબર ૧ ના વડલી ચોકમાંથી પસાર થતી પીવાના પાણીની મોટી લાઈન રીપેરીંગ કરવાના અભાવે પાણી વેડફાય છે

 (કિશોરભાઈ રાઠોડ દ્વારા) ધોરાજી:ધોરાજી નગરપાલિકા ના વોર્ડ નંબર 1 ના સદસ્ય સોનલબેન શૈલેષભાઈ બાલધા ની યાદીમાં જણાવવામાં આવે છે કે આ કુંભારવાડા વિસ્તારમાં આવેલ વડલી ચોક માં થઈને પસાર થતી પીવાના પાણીની મોટી મેન લાઈન જે અહીંથી પસાર થઈ બગીચાના સંપ સુધી જાય છે જે પીવાના પાણીની લાઈન વડલી ચોકમાં તૂટી ગયેલ છે તેમાંથી છેલ્લા બે માસથી પણ વધારે સમયથી આશરે બે મોટર જેટલું પાણી વહી જાય છે અને આ વડલી ચોક માં મોટો ખાડો પડેલ છે અને આવા ઉનાળાના કપડા દિવસો દરમિયાન લોકો સુધી પાણી પહોંચવાને બદલે કાયમી માટે વેડફાય છે અને આ વડલી ચોકમાં મોટો ખાડો પડી ગયેલ હોય તેના કારણે આ વિસ્તારમાં આવતા જતા વાહનો તેમજ ખાસ કરીને આ વિસ્તારમાં આવેલ સોનાપુરીએ જતી શબવાહિનીઓ નીકળતી હોય છે ત્યારે હાલકડોલક થાય છે અને ક્યારે ખાડામાં વિલ ફસાઈ જાય તે નક્કી કહી શકાય તેમ નથી આ અંગે ઘણા વખતથી નગરપાલિકાના સત્તાધીશો તેમજ ચીફ ઓફિસર શ્રી ને રૂબરૂ તેમજ ટેલિફોનિક જાણ કરવા છતાં આ વિસ્તાર પ્રત્યે રાગ-દ્વેષ રાખીને ઓરમાયું વર્તન કરે છે તેથી આ પાણીની પાઈપ લાઈન રીપેરીંગ કરવા માટે આ અંગે કોઈ પણ પગલા લીધેલ નથી તેથી આ વિસ્તારના લોકો તેમજ સદસ્યો દ્વારા ગાંધી ચિંધ્યા માર્ગે અપનાવે તે પહેલા રીપેરીંગ કરવા માટેની કાર્યવાહી કરવા આ વિસ્તારના લોકો તથા સદસ્ય સોનલબેન શૈલેષભાઈ બાલધા ધોરાજી નગરપાલિકા ને અપીલ કરી હતી.

(8:13 pm IST)
  • કર્ણાટકમાં ૨૪ કલાકમાં ૪૧૬૬૪ નવા કેસ : કર્ણાટકમાં ૨૪ કલાકમાં ૪૧૬૬૪ નવા કેસ નોંધાયા, ૩૪૪૨૫ સાજા થયા અને ૩૪૯ મૃત્યુ થયા છે access_time 12:43 am IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST

  • વાવાઝોડાને નજર સમક્ષ રાખી ભારતીય નૌકાદળે જહાજો, વિમાન, હેલિકોપ્ટર સહિત રાહત ટીમોને ખડે પગે રાખી છે: કેરળ અને મહારાષ્ટ્રના કાંઠે તોફાની પવન સાથે ભારે વરસાદ પડી રહ્યો છે: વાવાઝોડું લક્ષદ્વીપ ટાપુ પર કેન્દ્રિત થયું છે: ગોવા માટે ઓરેન્જ કેટેગરી જાહેર: મંગળવારે સવારે લેન્ડફોલ અને બપોર સુધીમાં પોરબંદર અને નલિયાની વચ્ચેથી પસાર થશે: કેરળના પાંચ જિલ્લાઓ માટે રેડ એલર્ટ: મુંબઈ અને થાણેમાં યલો એલર્ટ: મહારાષ્ટ્રમાં વાવાઝોડાનો પ્રભાવ સોમવારથી ઘટી જશે અને ગુજરાત તરફ ફંટાય જશે access_time 6:56 pm IST