Gujarati News

Gujarati News

News of Wednesday, 15th May 2019

ભેંસાણના મોરવાડા ગામે બંધ મકાનમાંથી ૫૧,૫૦૦ની મત્તાની ચોરી

ત્રણ શખ્સો હાથફેરો કરીને ફરાર

જૂનાગઢ તા. ૧૫ : ભેંસાણના મોરવાડા ગામે બંધ મકાનમાંથી ત્રણ શખ્સો રૂ. ૫૧,૫૦૦ની મત્તાની ચોરી કરીને મોટરસાયકલ ઉપર ફરાર થઇ જતાં સનસનાટી મચી ગઇ હતી.

આ અંગેની વિગતો એવી છે કે, ભેંસાણ તાલુકાના મોરવાડા ગામે રહેતા મનસુખભાઇ ભનુભાઇ કોટડીયા મકાનને તાળુ લગાવીને પરિવાર સાથે બહારગામ ગયા હતા.

ત્યારે તેમના બંધ મકાનમાં ખાબકી તસ્કરો સોનાનો ચેન, બ્રેસલેટ વગેરે મળી કુલ રૂ. ૫૧,૫૦૦ની કિંમતના સોનાના દાગીના ચોરીને નાસી ગયા હતા.

ચોરીની આ ઘટના સીસીટીવીમાં કેદ થઇ ગઇ હતી. જેમાં મોટરસાયકલ ઉપર આવેલા ત્રણ શખ્સો હાથફેરો કરી રહ્યા હોવાનું જણાવ્યું હતું. પોલીસે ફરિયાદના આધારે તપાસ હાથ ધરી છે.

(1:19 pm IST)
  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • ચૂંટણી પંચની આકરી કાર્યવાહી બાદ મમતા બેનર્જી ધુંવાફુંવા :કહ્યું પીએમ નરેન્દ્રભાઈ મોદીને હટાવો;દેશ બહાર કાઢી મુકો :કોલકતામાં થયેલી હિંસાના વિરોધમાં પદયાત્રા કર્યા બાદ મમતાએ કહ્યું કે મોદીએ મારા બંગાળ અને બંગાળીયતનું અપમાન કર્યું :મમતાએ એવો પણ આરોપ લગાવ્યો કે અમિતભાઇ શાહના રોડ શોમાં 15 થી 20 કરોડનો ખર્ચ થયો access_time 1:18 am IST