Gujarati News

ફોટોઃ junagadh gousada kaubhand

જૂનાગઢઃ જૂનાગઢ જિલ્લાના તોરણીયામાં આવેલી ગૌશાળામાં ગૌમાતાના મોત બાદ આ મુદ્દે પોલીસ ફરિયાદ કરવામાં આવી છે. તેમ છતાં હજુ સુધી ગૌશાળા સંચાલકો સામે પગલા ભરવામાં ન આવતા ભારે ચર્ચા જાગી છે.

જૂનાગઢની તોરણીયા ગૌશાળામાંથી પશુ વેંચી મારવાનાં કૌભાંડનો પર્દાફાશ કરવામાં આવ્યો છતા છેક હવે તંત્ર જાગ્યું છે પરંતુ, ખુબ જ મોડું થઇ ચુક્યું છે.

કેમ કે, ગૌશાળામાં ગાયોને વેંચવાનો અને ગાયોનાં મોતનો સિલસિલો હજુ પણ યથાવત જ છે. તોરણીયાની ગૌશાળામાં હજુ પણ વધારે 9 ગાયોનાં મોત થયા છે અને ગૌશાળાનો સંચાલક ધીરૂ સાવલીયા પણ ફરાર થઇ ચુક્યો છે.

જૂનાગઢ મહાનગરપાલિકા તંત્રએ જાગીને હવે છેક વેટરનરી ડોક્ટર રાહુલ વાણીયાને પણ શો-કોઝ નોટિસ ફટકારી છે.. આ સાથે જ જૂનાગઢ મહાનગરપાલિકાએ તાલુકા પોલીસ સ્ટેશનમાં અરજી કરીને 3 જ દિવસોમાં તમામ બાબતોનો ખુલાસો કરવા માટે નોટિસ આપી દિધી છે.

પરંતુ, હજુ પણ સમગ્ર મામલે પોલીસઅને મહાનગરપાલિકાનું મૌન ખુબ જ ભેદી વર્તાઇ રહ્યું છે.. કેમ કે, માત્ર 50 પશુઓની કેપેસિટી ધરાવતી ગૌશાળાને જૂનાગઢ મહાનગરપાલિકાએ શું વિચારીને અધધ 600 જેટલી ગાયો આપી દિધી હતી.