Gujarati News

Gujarati News

News of Friday, 15th March 2019

જામનગર ગ્રામ્ય વિધાનસભા બેઠક માટે ભાજપમાંથી રાધવજીભાઇ પટેલ-વિનુભાઇ ભંડેરીનું નામ ચર્ચામાં

જામનગર, તા.૧૫: જામનગર લોકસભાની ચૂંટણીની સાથે જામનગર-૭૭ ગ્રામ્યની ચૂંટણી માટે જાહેરનામું પ્રસિદ્ઘ કરવામાં આવ્યું છે. ત્યારે ઊંઝા, હળવદ, માણાવદર વિધાનસભાની પેટાચૂંટણીની સાથોસાથ જામનગર ગ્રામ્યની પેટા ચૂંટણી આવતા ભાજપ અને કોંગ્રેસ દ્વારા ઉમેદવારોની પસંદગી કરવા માટે કવાયત હાથ ધરી છે,

જામનગર ગ્રામ્યની બેઠક પરથી કોંગ્રેસના ધારાસભ્ય વલ્લભભાઈ ધારવિયાએ એકાએક રાજીનામું ધરી દેતા નવા સમીકરણો સર્જાયા છે. ત્યારે લોકસભા બેઠક માટે આજે ભાજપની સેન્સ પ્રક્રિયા હોય તેની સાથે જામનગર ગ્રામ્ય બેઠકની પણ સેન્સ લેવામાં આવી હતી અને આ બેઠક પરથી રાઘવજી પટેલનું નામ હાલમાં આગળ છે, તેની સાથોસાથ ચંદ્રેશભાઇ પટેલ જૂથના વિનુભાઈ ભંડેરી વગેરે પણ દાવેદાર હોવાનું માનવામાં આવી રહ્યું છે,

ભાજપના સંભવિત ઉમેદવાર રાધવજી પટેલ સામે મેદાનમાં ઉતારવા માટે કોંગ્રેસ દ્વારા પણ આ વખતે સમજી-વિચારીને કદાચ પાટીદાર ઉમેદવારોને મેદાનમાં ઉતારે તેવી શકયતા વચ્ચે હાલ તો રાજકીય વાતાવરણમાં ગરમાવો આવ્યો છે. તેવામાં છેલ્લા દિવસોમાં થયેલ રાજકીય ઉથલપાથલના કારણે આ વિસ્તારની પ્રજામાં ભારે નારાજગી જોવા મળી રહી છે. તેવામાં એક વર્ષ બાદ આવી પડેલ જામનગર ગ્રામ્યની પેટા ચૂંટણીમાં જનતા કેવો મિજાજ દેખાડે છે તે જોવાનું રહ્યું.

(3:35 pm IST)
  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST

  • BSNL કર્મચારીઓનો ફેબ્રુઆરી માસનો પગાર થઇ ગયો : આનંદો : BSNL ના કર્મચારીઓનો ફેબ્રુઆરી માસનો પગાર થઇ ગયો તમામને રકમ મળી ગઇ : ખાતામાં જમા કરી દેવાઇઃ હવે માર્ચનો પગાર પણ ટાઇમસર થાય તે માટે અત્યારથી કાર્યવાહી શરૂ : રજૂઆતોનો ધોધ... access_time 4:04 pm IST

  • ભાવનગરમાં ભારતીબેન શિયાળ, હિરાભાઇ સોલંકી સહિત દાવેદારોની ઉમેદવારી માટે રાફડો ફાટયો access_time 3:33 pm IST