Gujarati News

Gujarati News

News of Friday, 15th March 2019

જીયાણામાં બાઇકની ઠોકરે ચડતાં કોળી વૃધ્ધ મોહનભાઇનું મોત

વાડીએથી ઘરે આવી રહ્યા હતાં ત્યારે ગામના જ પટેલ યુવાન નિલેષભાઇના વાહનની અડફેટે ચડ્યાઃ બાવળીયા પરિવારમાં શોક

રાજકોટ તા. ૧૫: કુવાડવાના જીયાણામાં રહેતાં કોળી વૃધ્ધ મોહનભાઇ બીજલભાઇ બાવળીયા (ઉ.૬૫) ગઇકાલે સવારે ચાલીને વાડીએથી ઘરે આવી રહ્યા હતાં ત્યારે રસ્તામાં ગામના જ પટેલ યુવાન નિલેષભાઇ ખોડાભાઇ ઢોલરીયાના બાઇકની ઠોકરે ચડી જતાં ગંભીર ઇજા થતાં મોત નિપજ્યું છે.

મોહનભાઇ સવારે સાડા અગિયારેક વાગ્યે પોતાની વાડીએથી ઘરે આવવા નીકળ્યા ત્યારે ગામના નિલેષભાઇ વળાંકમાંથી બાઇક લઇને નીકળતાં તેના બાઇકની ઠોકર લાગી જતાં તેઓ ફંગોળાઇ જતાં ગંભીર ઇજા થતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ સાંજે દમ તોડી દેતાં પરિવારમાં ગમગીની છવાઇ ગઇ હતી. હોસ્પિટલ ચોકીના સ્ટાફે કુવાડવા પોલીસને જાણ કરતાં જરૂરી કાર્યવાહી કરવામાં આવી હતી.

મૃત્યુ પામનાર મોહનભાઇ છ ભાઇ અને બે બહેનમાં નાના હતાં અને ખેતી કરી ગુજરાન ચલાવતાં હતાં. સંતાનમાં બે પુત્ર અને એક પુત્રી છે. કુવાડવાના હેડકોન્સ. કે. સી. સોઢાએ મૃતકના પુત્ર મુકેશભાઇ બાવળીયાની ફરિયાદ પરથી નિલેષ ઢોલરીયા સામે ગુનો નોંધ્યો છે.

(12:13 pm IST)
  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST