Gujarati News

Gujarati News

News of Friday, 15th March 2019

જૂનાગઢ ખાંટ રાજપુત સમાજનું ગૌરવ

જૂનાગઢ : સ્પેશ્યલ ઓલમ્પિક વર્લ્ડ સમર ગેમ ૨૦૧૯ યોજાશે તેમાં ૧૯૨ દેશના ૭૫૦૦ થી વધુ એથલેટ ભાગ લઇ રહ્યા છે. આ સ્પે.ઓલમ્પિકમાં ભારતદેશના ૨૮૯ ખેલાડીઓ ભાગ લેવા ગયેલ છે. ગુજરાત રાજયના ૧૪ ખેલાડીઓ જૂદી જૂદી સ્પર્ધાઓમાં ભાગ લેશે તેમા ખાંટ રાજપુત સમાજના ફાગળી ગામના ખેડૂતપુત્ર દેવધરિયા નયનકુમાર ગોપાલભાઇ સાયકલીંગ સ્પર્ધામાં ભાગ લેશે. નયનકુમારે ગયા વર્ષે રાષ્ટ્રીય કક્ષાના સ્પે.ઓલમ્પિકમાંની સાયકલીંગ સ્પર્ધામાં ૧૦૦ મી. તથા ૫૦૦મી સ્પર્ધામાં બંનેમાં પ્રથમ આવી બે ગોલ્ડ મેડલ મેળવેલ હતા. આથી આ વર્ષે તેમની દિલ્હી ખાતે કેમ્પમાં પસંદગી થયેલ. ત્યાં પણ સફળ થતા ઇન્ટરનેશનલ લેવલે સ્પે.ઓલમ્પિકમાં ભાગ લેવા જતા શ્રી સમસ્ત ખાંટ રાજપૂત સમાજના પ્રથમ તસ્વીર હોય છે. ખાંટ રાજપુત સમાજ કેળવણી વિકાસ મંડળના પ્રમુખ ભાવેશભાઇને દેવધરિયા તથા સમસ્ત સમાજના આગેવાનોએ શુભેચ્છા પાઠવેલ છે. (તસ્વીર : મુકેશ વાઘેલા,જૂનાગઢ)

(12:08 pm IST)
  • કાલથી ગરમીમાં ઉછાળો આવશે : કાલથી ગરમીમાં ક્રમશઃ વધારો થતો જશે : સોમ-મંગળ તાપમાન ૩૬ ડિગ્રીને પાર કરી જશેઃ તા.૨૦-૨૧ ફરી આંશિક ઘટશે : તા.૧૬થી ૧૯મીના સાંજ સુધી ભેજનું પ્રમાણ ઓછુ રહેશે : વેધરએનાલીસ્ટ અશોકભાઈ પટેલની આગાહી access_time 3:51 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • પ્રવિણ તોગડીયા પાણીની ટાંકીના ચિન્હ સાથે લોકસભાની ચૂંટણી લડશે : હિન્દુસ્તાન નિર્માણ દળ રાજકીય પક્ષનું ચિન્હ પાણીની ટાંકી અપાયુ access_time 6:16 pm IST