Gujarati News

Gujarati News

News of Thursday, 15th February 2018

કુતિયાણામાં પ્રથમ વાર ઇવીએમનો નગરપાલિકા ચૂંટણીમાં ઉપયોગ કરાશે

ચૂંટણી અધિકારી દ્વારા વોર્ડ વાઇઝ ડેમોન્ટ્રેશનઃ મતદારો ૪ ઉમેદવારોને મત આપી શકશે

 કુતીયાણા તા. ૧પ :.. પ્રથમ વખત જ ઇવીએમથી નગરપાલિકા (શહેર)ના મતદારો, પ્રથમ વખત જ મતદાન કરશે જેને લઇને અનેરો રોમાંચ સાથે પ્રજાજનોમાં ઉત્સાહ પ્રર્વતી રહ્યો છે.

ચૂંટણી અધિકારીઓ દ્વારા દરેક વોર્ડ વાઇઝ ચાર-ચાર ઉમેદવારો હોઇ જેમાં દરેક મતદારે ચાર મત આપવાના હોવાથી ચૂંટણી અધિકારીઓ ઇવીએમ મશીન સાથે વોર્ડ વાઇઝ ડેમોન્ટ્રેશન કરાવી માર્ગદર્શન આપી રહેલ છે.

ચૂંટણી પ્રચારમાં ગરમાવો

કુતીયાણા સતત વિસ વર્ષના ઢેલીબેન ઓડેદરાની ભાજપની પેનલ સામે ધારાસભ્ય કાંધલ જાડેજાની એન. સી. પી. મેદાને ઉતરી છે. જેને લઇને શહેરમાં ગલીએ - ગલીએ રાજકીય ગરમાવો આવી ગયો છે. દરેક વોર્ડ વાઇસ બને પક્ષ દ્વારા સભાઓ-ગ્રુપ મીટીંગોનો ધમધમાટ પ્રર્વતી રહ્યો છે. આગામી તા. ૧૭ ના રોજ શનિવારે મતદાનનો દિવસ હોઇ બને પાર્ટી દ્વારા પોત-પોતાના ઉમેદવારોને જીતાડવા ડોર-ટુ-ડોર પ્રચાર પુરજોશમાં કરવામાં આવી રહેલ છે. ભાજપની પાર્ટી દ્વારા શહેરની ભાજપની ટીમ તથા જી. પ. પ્રમુખ રમેશભાઇ ઓડેદરા સહિત જીલ્લાની ટીમ દ્વારા સતત જહેમત ઉઠાવવામાં આવી રહી છે.

(11:25 am IST)
  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST