Gujarati News

Gujarati News

News of Wednesday, 14th February 2018

જુનાગઢમાં તમાકુ-કેફી પદાર્થનું સેવન કરીને જયાં ત્યાં થુંકવા ઉપર પ્રતિબંધ : રૂ. ૧૦૦નો દંડ

 જુનાગઢ, તા. ૧૪ : વી.જે. રાજપૂત, આઇ.એસ.એસ., મ્યુનિસિપલ કમિશ્નર, જૂનાગઢ દ્વારા પરિપત્ર બહાર પાડીને શહેરમાં જોવા લાયક સ્થળો, બાગ-બગીચા, ઐતિહાસિક અને પુરાતત્વીય સ્થળો, જાહેર સ્થળો, જાહેર માર્ગો વગેરે વિસ્તારોમાં સંપૂર્ણ સ્વચ્છતાનું પ્રમાણ જળવાઇ રહે, તેમજ જુનાગઢ સ્વચ્છ શહેર બને તે હેતુથી જુનાગઢ શહેરમાં વસતા તમામ નાગરિકો તેમજ જુનાગઢ શહેરની મુલાકાતે આવેલ મુલાકાતીઓ/પ્રવાસે આવેલ પ્રવાસીઓ કે યાત્રાએ આવેલ યાત્રાળુઓ તમામને પાન, માવો, ફાકી, ગુટકા કે અન્ય કેફી પદાર્થનું સેવન કરી જયાં ત્યાં થુંકવા પર પ્રતિબંધ ફરમાવ્યો છે.

આ હુકમનો ઉલ્લંઘન કરનાર પાસેથી રૂ. ૧૦૦/- દંડ વસુલ કરવામાં આવશે અને જરૂરીયાત મુજબ ઉપરોકત કાયદાની સબંધીત કલમ હેઠળ તેમજ અન્ય જોગવાઇઓ હેઠળ કાનૂની પગલા લેવામાં આવશે તેમજ જરૂર જણાયે સી.આર.પી.સી.ની કલમ-૧૩૩ હેઠળ જાહેર ન્યુસન્સ ઉભુ કરવા માટે જરૂરી ફોજદારી કાર્યવાહી માટે કોર્પો. દ્વારા આગળની કાર્યવાહી હાથ ધરવામાં આવશે. (૮.૪)

(9:40 am IST)
  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST