Gujarati News

Gujarati News

News of Friday, 14th September 2018

રાજયમંત્રી વિભાવરીબેન દવેના પતિ વિજયભાઇ દવેનું અવસાનઃ અંતિમ યાત્રામાં ભુપેન્દ્રસિંહ-જીતુભાઇની ઉપસ્થિતિ

ભાવનગર તા.૧૪: ભાવનગરનાં ધારાસભ્ય અને રાજયના મંત્રી વિભાવરીબેન દવેનાં પતિ વિજયભાઇ દવેનું નિધન થતાં બ્રહ્મસમાજ અને ભાજપમાં શોકનું મોજું ફેલાયું છે. આજે શુક્રવારે સવારે ભાવનગર સ્થિત તેમનાં નિવાસ સ્થાનેથી સ્વ. વિજયભાઇની અંતિમયાત્રા નીકળી હતી જેમાં શિક્ષણમંત્રી ભુપેન્દ્રસિંહ ચુડાસમા, ભાવનગરનાં મેયર, શહેર પ્રમુખ સહિત સંગઠનનાં હોદેદારો, આગેવાનો અને કાર્યકરો બહોળી સંખ્યામાં જોડાયા હતા. મંત્રી વિભાવરીબેન દવેનાં પતિ કલાર્ક, એલ.આઇ.સી. એજન્ટથી લઇ કન્સ્ટ્રકશનનું કામ કરતાં હતા. વિજયભાઇ દવે છેલ્લા કેટલાક સમયથી મગજની બિમારીને લઇને મુશ્કેલીમાં હતા. અને ભાવનગર અને અમદાવાદ હોસ્પિટલમાં લાંબો સમય સારવાર લીધી હતી. ગઇકાલે સાંજનાં સુમારે ગાંધીનગર ખાતે તેમણે અંતિમ શ્વાસ લીધા હતા. આ સમયે તેમનાં પત્ની વિભાવરીબેન દવે, પુત્ર જાબાલ હાજર હતા.

સ્વ. વિજયભાઇ દવેની અંતિમયાત્રા આજે સવારે ૯ વાગ્યે ભાવનગર સ્થિત તેમનાં નિવાસ સ્થાન ૧૨૯ સાગવાડી કાળીપાળા ખાતેથી નીકળી હતી. જેમાં રાજયનાં શિક્ષણ મંત્રી ભુપેન્દ્રસિંહ ચુડાસમા, પ્રદેશ પ્રમુખ જીતુભાઇ વાઘાણી, મેયર સહિત અધિકારીઓ-પદાધિકારીઓ અને કાર્યકરો બહોળી સંખ્યામાં જોડાયા હતા.(૧.૮)

 

(12:16 pm IST)
  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST