Gujarati News

Gujarati News

News of Friday, 14th May 2021

‘તૌકતે’ વાવાઝોડા સંદર્ભે કચ્છમાં તંત્રનું એલર્ટ- કર્મચારીઓને હેડકવાર્ટર નહીં છોડવા તાકીદ:સલામતીની કામગીરી સમયે કોવિડ પ્રોટોકોલનું પાલન કરવા સુચના

(વિનોદ ગાલા, ભુજ) 'તૌકતે' વાવાઝોડાની સંભાવના વચ્ચે જિલ્લા કલેકટરે સમગ્ર તંત્રને એલર્ટ રહેવા સૂચના પ્રસારિત કરી છે. આ સૂચના આ પ્રમાણે છે, આથી જિલ્લામાં આવેલ રાજય સરકારશ્રીની કચેરીઓના વડાઓને સૂચિત કરવામાં આવે છે કે રાહત કમિશનરશ્રી અને અધિક સચિવશ્રી મહેસુલ વિભાગ,ગાંધીનગરના તારીખ ૧૨/૫/૨૦૨૧ ના પરિપત્ર અને વિગતે ભારતના હવામાન વિભાગે આપેલા બુલેટિન મુજબ અરબી સમુદ્રમાં ડીપ ડિપ્રેશન સર્જાવાની સંભાવના વ્યક્ત કરવામાં આવેલ છે જેના સંદર્ભમાં સાવચેતી અને સલામતીના પગલાં કોવિડ પ્રોટોકોલ સાથે સુનિશ્ચિત કરવાના થાય છે. જે અંગે વિગતવાર સૂચના તારીખ ૧૨/૫/૨૦૨૧ ના વિડિયો કોન્ફરન્સ દ્વારા યોજવામાં આવેલ મીટીંગમાં આપવામાં આવેલ છે. જે મુજબ જિલ્લા વહીવટી તંત્ર દ્વારા સાવચેતીના પગલા લેવામાં આવી રહ્યા છે. આવા સંજોગોને ધ્યાને લેતા જિલ્લાના તમામ અધિકારીશ્રી/કર્મચારીઓએ આગામી ૨૦/૫/૨૦૨૧ સુધી કલેક્ટરશ્રીની પરવાનગી વિના હેડક્વૉર્ટર નહિં છોડવા જણાવવામાં આવે છે તથા તેમ કરવામાં ચૂક થશે તો સંબંધિત અધિકારીશ્રી/કર્મચારી વિરુદ્ધ શિક્ષાત્મક પગલાં ભરવાની કાર્યવાહી કરવામાં આવશે જેની સ્પષ્ટ નોંધ લેવા કલેકટરશ્રી અને જિલ્લા મેજિસ્ટ્રેટશ્રી દ્વારા જણાવવામાં આવેલ છે.

(4:37 pm IST)
  • રાજકોટમાં સાંજે ૫:૧૫ વાગ્યે વાદળછાયુ વાતાવરણ છવાયુ છે : સૌરાષ્ટ્રના સાગરકાંઠે ૧૮મી સુધીમાં વાવાઝોડુ આવવાની જાહેરાત થઈ છે ત્યારે તેની પૂર્વ સંધ્યાઍ રાજકોટમાં આજે બપોર પછી વાદળા મિશ્રીત તડકાનું વાતાવરણ જાવા મળે છે access_time 5:30 pm IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • છત્તીસગઢ સરકાર આ નાણાકીય વર્ષ દરમિયાન કોરોનાને લીધે તેમના માતાપિતા ગુમાવનારા તમામ બાળકોના શિક્ષણનો સંપૂર્ણ ખર્ચ ઉઠાવશે. આ ઉપરાંત 1 થી 8 ધોરણ સુધીના બાળકોને મહિનામાં 500 રૂપિયા અને નવમી થી બારમી સુધીના આવા બાળકોને દર મહિને 1000 રૂપિયાની શિષ્યવૃત્તિ પણ રાજ્ય સરકાર આપશે. access_time 11:27 pm IST