Gujarati News

Gujarati News

News of Thursday, 14th January 2021

બાબરામાં બુધવારી બજારમાં મહિલાઓ પર લાઠીચાર્જ કરનારા મહિલા PSI સસ્પેન્ડ કરાયા

મહિલાઓમાં ગુસ્સો ફાટી નીકળતા મહિલા પીએસઆઈ પર કાર્યવાહી કરવાની માંગ કરી હતી

અમરેલી: બાબરામાં બુધવારી બજારમાં પાથરણવાળાને હટાવતી વખતે પોલીસની દબંગાઈ સામે આવી હતી. પોલીસે પાથરણાવાળી મહિલાઓ પર લાઠીચાર્જ કર્યો હતો. મહિલા PSI દીપિકા ચૌધરીએ મહિલાઓ પર લાઠીચાર્જ કર્યો હતો. તેના બાદ મહિલાઓમાં ગુસ્સો ફાટી નીકળ્યો હતો અને મહિલા પીએસઆઈ પર કાર્યવાહી કરવાની માંગ કરી હતી. આ ઘટના બાદ લાઠીચાર્જ કરનારી PSI દીપિકા ચૌધરી સસ્પેંડ કરાયા છે.
અમરેલીના બાબરાના નદીના પટમાં ભરાતી બુધવારી બજારમાં બેસતા ફેરિયાઓને દૂર કરવાની અમરેલી પોલીસની આ પદ્ધતિ ચર્ચાનું કેંદ્ર બની હતી. નદીના પટાંગણમાં ખુલ્લામાં પથારા પાથરી મહિલાઓ જૂના કપડાઓ વેચી પોતાનું ગુજરાન ચલાવતી હોય છે. પોલીસે ઈચ્છયું હોત તો સૂચના આપીને પણ દબાણો દૂર કરાવી શકાયા હોત..પણ પીએસઆઈ દીપિકા ચૌધરીએ મહિલાઓ પર લાઠી ફટકારતા મહિલાઓમાં ગુસ્સો ફાટી નીકળ્યો હતો. ધારાસભ્ય વીરજી ઠુમ્મરે પણ આ ઘટનાને વખોડી કાઢી હતી. પીએસઆઈ સામે પગલાં લેવાની માગ કરી હતી. તેના બાદ મહિલા PSIને સસ્પેંડ કરાયા છે

(9:59 pm IST)
  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST