Gujarati News

મોરબીના રવાપર રોડ પર આવેલી શાસ્ત્રીનગર સોસાયટીમાં એક ઝેરી સાપ નીકળ્યો હતો અને સાપ દેખાયો હોવાને પગલે સ્થાનીકોમાં ભય અને ફફડાટ ફેલાઈ ગયો હતો સાપ પકડવામાં માહેર કૌશિકભાઈ પટેલ ઉર્ફે સીટીને જાણ થતા તુરંત પહોંચ્યા હતા અને સાપની તલાશ શરુ કરી હતી જોકે સાપ ઘરોમાં કે સોસાયટીમાં ના દેખાતા ત્યાં એકટીવા સ્કૂટર પડ્યું હોય જેમાં છુપાયો હોવાની શંકાને પગલે એકટીવાના પાછળની બોડી ખોલવામાં આવી હતી અને સાપ દેખાતા કૌશિક પટેલે સાપને સલામત રીતે પકડી લઈને ડબ્બામાં પૂર્યો હતો અને બાદમાં તેણે સલામત સ્થળે છોડી દેવાયો હતો

  કૌશિક પટેલના જણાવ્યા મુજબ પકડાયેલો સાપ પાણીનો સાપ હોય તેવું જણાઈ આવે છે જોકે સાપ ક્યાંથી નીકળ્યો તે ખબર પડી ના હતી જોકે સાપને પકડીને તેણે સલામત સ્થળે છોડીને યુવાને જીવદયા પ્રેમનું ઉદાહરણ પૂરું પાડ્યું છે તો સાપને પકડતા લગભગ દોઢ કલાક જેટલો સમય લાગ્યો હતો તેટલા સમય માટે વિસ્તારમાં અશાંતિનું વાતાવરણ છવાયું હતું અને સાપ પકડાયા બાદ લોકોએ હાશકારો અનુભવ્યો હતો